قيدت بعشقه للكاتبة نرمين عادل همام

هناء  التي اكملت حديثها وهي تقول
حسبنا الله ونعم الوكيل والله انا واثقه ان ربنا هينصرني وينصر بنتي لازم تعرفي ان ربنا بيمهل ولا يهمل بيسيب الظالم لظلمه هو وحقي وحق بناتي هيرجع منك ومن عيالك
تراجعت فايزة  الى الوراء واقتربت من الباب قبل ان تكون بفتحه والخروج منه
اقفلي بقك بقى يا شيخه كلام كلام كل ما اتكلمت معاكي تقولي قال الله قال رسول على اساس ان انا كافره
ايوه كافره اللي يروح لساحر كافر اللي يؤذي انسان كافر اللي يتحكم في قدر ربنا مش كاتبه كافر استفدتي ايه لما بنت ماټت واستفدتي ايه دلوقتي لما عايزه تموتيني بنت الثانيه ايه اللي هيحصل لك بعديها هتفرحي تنبسطي هترقصي هيبقى معاكي فلوس كثيره هتعملي بها ايه لما ټموتي نفسي اعرف ايه الاستفاده الوحيده لحد تبقى معاكي  استفدتي ايه من مۏت بسمة وهتستفيدي ايه من اللي انت بتعمليه في بتول
بتطولي في كلام ملهوش لازمه فهمت يا ستي انت الشريفه العفيفه وانا الزانيه الخطيه لكن ومع كل ده قال يوم اللي هحط رقبتك تحت رجلي قدامك حاجتين تختاري منهم يا بنتك تروح معايا للدكتور ويكشف عليها ويشوفها بنت ولا لا وما تخافيش هاخد مرات محمد ومرات عبد الرحمن عشان ما حدش يقول ان انا متفقه مع الدكتور
ولو رفضتي يبقى قدامك الحل الثاني هخلي كمال  ياخدها الصعيد عند اخوالي هناك وهناك يا حبيبتي بيغسلوا شرفهم پالدم ولا نسيتي ان دي الكلمه اللي قلتها لي زمان
ايوه قلتها لك وهقولها لك لو كان اهلك  اللي بتقولي عليها دول عرفوا زمان انت كنت ايه وبتعملي ايه كانوا قتلوكي وخلاصنا كلنا من شرك هو انت فاكره ان في حد بيحبك في الدنيا دي معيشه بناتك مع اجوازهم بالسحر ما فكرتيش لو السحر ده اتشال من عليهم في يوم من الايام هيعملوا ايه في بناتك ما فكرتيش في حامد  اللي لا شغله ولا مشغله هيعمل ايه لما يكبر في السن وهيعيش ازاي بتفكريش غير في نفسك في اللحظه دي بس اللي انت عايشاها
بطلي كلام وجعتي لي دماغي انت لتاته على الفاضي قدامك ساعه فكري فيها
لا فكرت خلاص وساعه ليه وليه استنى ساعه خديها للدكتور واكشفوا عليها لكن ساعتها هخزق عينيك بصوابعي دول لكن شرطي الوحيد ما يكونش دكتور يكون دكتوره واختاريها انت بمعرفتك في 1000 دكتوره افتحي دليل التليفونات ودوري لك على واحده لكن دكتور لا
كانت هناء  ترتعش من فرط اعصابها
واقسم بالله لو حصل لبنتي حاجه بعدها لا هروح للبوليس وهقول على كل الحاجات اللي انت عملتيها حتى لو ما تعاقبتيش هقول كل اللي انا عارفاه عنك وهتصل بالعجلين اللي متجوزين بناتك وهقول لهم على كل حاجه وعلى السحر اللي واكلينه ولا شاربينه والحاجات السوداء اللي انت بتعمليها هقول لهم ان انت بتحطي السحر في تربه امك عشان تبقى منهم ما حدش يكشفها
 عندما قالت هذه الكلمه تجمدت ملامح فايزة  فكيف لزوجه اخيها ان تعرف ذلك فاكملت هناء  حديثها
ايه مستغربه ان انا عرفت حاجه بسيطه التربي اتصل باخوك وحكى له على اللي حصل حكى له انه شافك بټدفني حاجه ورا في ارض المډفن اللي من فوق وقال له قبليها كنت جايبه سقط العيل صغير وقلت ان ده لبنتك ولما التربي رفضت زعقتي له وقلت له ان ده مجرد سقط لعيل ما كملش خمس شهور في بطن امه ازاي هنجيب عليه تصريح بعد ما مشيتي هانم الراجل نزل وفضل يدور في الحته اللي انت كنت واقفه فيها 
كانت فايزة  تنظر لها پغضب شديد 
عارفه الراجل قال لاخوكي ايه قال له ما تخليش اختك تيجي ثاني يا اما هطلب لها البوليس الراجل التربي طلع فص الكبده الكبير كبده الخروف اللي كانت پدمها لسه ومغروز فيها دبابيس الراجل بيحلف انه عندهم لهم اكتر من 60 دبوس
وبيقولوا انه بقى له سنين في المدافن عمره ما جسمه اشعر غير لما مسك حته الكبده دي وزي ما يكون ربنا علم من الناس اللي