الدهاشنة كاملة ل أية رفعت

العمل بأحد الأراضي التابعة للعائلة فاستلقى آيان على المقطورة الخلفية بإنهاك واضح على معالمه فاستدار بدر برأسه للخلف ليتأمل حالته بنظرات ساخرة لم يمررها كذلك دون أن يجاكره بكلماته اللازعة 
شكلك مكنتش واخد على الشقى يابن المغازي 
سلطت نظرات الشباب بأكملهما عليه فقال آسر بتحذير
وبعدين يا بدر أنت مش هتهدى اللعب بقى عندك استعداد تناغش فيه الساعة مبتزهقش يا جدع ولا أيه! 
ضحك يحيى ثم قال وهو يمسك بذراع آيان ليتمدد جواره 
والله يا بدر كلنا هلكنا من الشغل مش آيان لوحده فلو أنت حاسس ان لسه جواك طاقة ونشاط روحنا وارجع كمل أنت 
تعالت ضحكات الشباب وخاصة حينما حدجه بدر بنظرة محتقنة فأضاف عبد الرحمن وهو يقضم قطعة من القصب الشهي 
متحبكهاش يا واد عمي فكها وخلي خلقك استرتش 
تعالت الضحكات الرجولية فيما بينهما فقال أحمد هو الاخير
ده الواد اليومين اللي قضاهم معانا بالغيط خس النص يا عين أمه وكل ده عشان يرضي الكبير وفي الأخر تزود حمله بحديثك الماسخ 
إتكأ أيان على معصمه ثم نهض ليستقيم بجلسته ليباغتهما بقوله الساخر 
انتوا هتشحتوا عليا ولا أيه! 
ضحك يحيى مطولا ثم قال بصعوبة بالحديث 
ده جزاتنا اننا بنحنن قلب بدر عليك 
أجابه بتريث 
أنا أخدت عليه كده ولو إتغير هحس ان في حاجة مش تمام 
عاد ليتطلع لهما مجددا فصاح به أحمد پغضب 
ولا بص قدامك وانت بتسوق بدل ما نروح في خبر كان لو العصبية واكلة قلبك تعالى اقعد ورا وأنا أسوق عايزين نربي العيال اللي لسه جاية دي الله يحرقك 
أوقف بدر الجرار مرة واحدة فانكفئ الجميع على وجوههم ثم صعد للخلف ليجلس جوارهما مشيرا بيديه بعصبية بالغة 
أنا غلطان إني بريحكم اطلع سوق يابو لسان طويل 
ووزع نظراته القاتمة بينهما جميعا ثم قال بضيق 
خلاص بقيتوا كلكم من حزب ابن المغازي أكل بعقلكم حلاوة الفترة اللي قاعدها معاكم في الغيط! 
ابتسمأيان ساخرا ثم قال باستنكارا 
ياريتني أفهم العقول يا بدر على الأقل كنت قدرت أفهم دماغ فهد وأعرف أيه اللي بيفكر فيه 
لكزه آسر بقوة ثم قال بعينين ملتهبة 
قولتلك عود لسانك يقول الكبير مش هطيق أسمعك بتقلل منه وأنت بتناديه باسمه كده 
قال بنفس الابتسامة 
بحاول بس أنا أخدت على كده 
أتاهم صوت أحمد من الأمام يخبرهما 
وصلنا يا رجالة 
دخل الجرار للجراج الخاص بالسرايا فصفه أحمد بعناية ثم هبط ليلحق بالشباب للداخل فوجدوا فهد يقف على الدرج الصغير المؤدي للباب الداخلي في انتظارهما فحانت منه نظرة متفحصة تجاه آيان الذي يوشك على الصعود لغرفته فأشار له بعصاه ليهم بالاقتراب منه قائلا بأستغراب 
في حاجة يا فهد 
ابتسم وهو يتطلع لهيئته المشعثة وملابسه التي يملأها الۏسخ ثم قال بثبات 
غير خلجاتك وانزل عشان تأكل معانا 
أومأ برأسه في طاعة 
أوكي 
ثم استدار ليغادر فأوقفه صوت الكبير حينما اخبره 
عندك ضيوف فوق متتأخرش كتير 
استدار تجاهه ثم تساءل بذهول 
ضيوف مين دول 
رفع فهد عينيه تجاه شرفة غرفته فتطلع آيان لما يتطلع إليه فوجد خالته في
انتظاره فصعد على الفور للأعلى وما أن ولج للداخل حتى ألقت نظرة متفحصة على حاله والذهول ينال منها كانت تحاول تستوعب أن من يقف أمامها هو نفسه ابنها المغرور التي حرصت على زرع به كبرياء لا يتنازل لأحدا قط فتحرر لسانها أخيرا وهي تشير له پصدمة 
أيه اللي أنت عامله في نفسك ده يا ولدي ده أني مصدقتش عمك لما قالي إنك اهنه في بيت فهد ومشغلك كيف الخدامين ازاي تسمحله يعمل فيك اكده
لاح على وجهه الرجولي ابتسامة ساخطة واتبعها صوته المستهزأ من حديثها 
عملت اللي حسيته صح لأول مرة في حياتي 
رفعت حاجبيها باستنكار 
الصوح إنك تخليه يزلك ويكسرك! 
في ذلك الوقت كان بدر يؤدي مهامه المكلف به من قبل عمه كل يوما حتى بات يكره ذاته وكأن فهد يعلم بمدى كره بدر اليه لذا كانت مهام استدعائه لتناول الغداء من نصيب بدر فكاد بطرق باب الغرفة ولكنه توقف حينما استمع لصوتها الذي يخبره بأن عمه يتعمد أن يكسره ويزله فترقب سماع ما سيقول آيان وبالفعل أتاه صوته يجيبها 
بالعكس أنا اللي زلته وكسرته وبالرغم من كل ده ومعاه الف فرصة يعمل فيا زي ما عملت فيه بس معملش لانه أصيل واتربى وربى عياله بنفس الطريقة اللي اتربى فيها انا مشوفتش أي اهانة منه ولا من عياله بالعكس كلهم بيحاولوا يحتوني كلهم عندهم شفقة عليا من التربية اللي أنت ربتيهالي والكره اللي زرعتيه في قلبي 
system codeadautoadsجحظت عينيها في صدمة ليتبعها قولها المشتت
مالها التربية اللي ربتهالك ربيتك عزيز وغالي وتعرف كيف تاخد تارك من اللي ظلموك 
ابتسم وهو يجيبها بسخط 
من الحريم! انتي معلمتنيش ازاي أكون راجل حتى وأنا بأخد حقي انتي خلتيني أستحقر نفسي