رواية مكتملة بقلم الكاتبه ملك ابراهيم
المحتويات
شقة اهل هند وطاهر وطارق واقفين ورايا وطاهر عدل لبسه وسألني بثقة شكلي حلو يا احلام
رديت عليه بابتسامه زي القمر.
طارق رفع حاجبه وانا ضحكت وقولت بس مش احلى من القمر بتاعي..
وقولت وانا بضحك بصراحة مش عارفه حماتي الله يرحمها كانت بتتوحم على ايه فيكم.
طارق بهمس هبقى اقولك لما نروح.
اتكسفت وخبطت على باب شقة هند عشان يفتحوا وفجأة لقيت اسامه قدامي وواقف يبصلي اوي وبيبتسم وعينيه متثبته عليا وكأنه مش شايف غيري ونطق اسمي بطريقة هاديه ورقيقه وانا اټصدمت من طريقته وابتسمتله بتوتر وانا مړعوبه من اللي واقف ورايا والاكيد انه هيولع فيا انا واسامه.
طارق لاحظ نظراته واسامه مش واخد باله منهم خالص وطاهر بدأ يقلق من رد فعل طارق واتكلم بصوت قوي عشان يلفت نظر اسامه ان في هرمين واقفين ورايا ومش فاهمه ازاي اسامه مش شايفهم وهما طوال جدا وانا قدامهم مش باينه اصلا!
اسامه اتنحنح بتوتر لما طاهر لفت انتباهو ليهم وفجأة لقيت طارق شدني من قدامهم ووقف هو قدام اسامه ونظرات عين طارق كانت تخوف وقاله بصوت قوي عايزين نقابل والدك.
وبعد عن مدخل الشقة وطارق بصلي بتحذير وانا اصلا مړعوبه منه وخاېفه وقالي پغضب مكتوب اتفضلي ادخلي.
لقيت مامت هند طلعت تستقبلنا هي كمان واترميت في .
احلام طنط ازيك عامله ايه وحشتيني مۏت مۏت.
مامت هند ضحكت وقالت انتي وحشتيني اكتر يا مجنونه..
وبصت علي طارق وطاهر ورحبت بيهم اتفضلوا..
رديت عليها طارق جوزي وطاهر اخوه.. كانوا عايزين يتكلموا مع عمي في موضوع مهم جدا.
مامت هند نورتونا..
وبصت ل اسامه خليك مع الضيوف يا اسامه وانا هدخل اقول ل بابا.
واسامه رحب بينا مرة تانيه ونظراته ليا غريبه وانا عيني على طارق وخاېفه منه ومن غباء اسامه دا عمره ما كان كده معايا هو ايه اللي حصله!
اسامه دخل ووقف وقالي وانتي عامله ايه يا احلام.
بصيت ل طارق بتوتر ورديت الحمدلله يا اسامه وانت عامل ايه
طارق بصلي پغضب وطاهر اتكلم بسرعه مع اسامه لما شاف ڠضب اخوه لو سمحت ممكن كوباية مايه.
خرج اسامه وطارق اتكلم پغضب وغيره انتي عارفه انا لو سمعت صوتك هعمل فيكي ايه دلوقتي.
طاهر بصوت هادي اهدى يا طارق محصلش حاجة.
طارق كان لسه هيرد بس دخول ابو هند ومامتها سكته ووقفوا الاتنين وسلموا عليه واتكلم ابو هند ازيك يا احلام كل دي غيبه علينا يابنتي.
رديت بابتسامة معلش يا عمي اصل انا بعد الجواز انشغلت شويه..
والد هند
________________________________________
اهلا
وسهلا نورتونا.
بصيتلهم واتكلمت بتوتر احنا جينا يا عمي عشان نوضح اللي حصل مع هند.. اول لما هند كلمتني وقالتلي على اللي عمله الزفت اللي اسمه سمير ده انا اضايقت وقولت ل طارق جوزي احنا لازم نروح لعمي ونفهمه اللي حصل.
والد هند بحزن هتفهميني ايه يا احلام ما خلاص انا فهمت كل حاجة.
احلام لا يا عمي سيبك من كلام سمير الزفت ده.. انا وجوزي اللي كنا بنوصل هند بعربية جوزي وانا اللي اشتريت ليها الورد.. هو غريبه يعني اني اشتري ورد لصحبتي الوحيدة وافرحها!
ابو هند وكأن روحه رجعتله تاني وقال بلهفة الكلام ده صح يا احلام
رديت بتأكيد ايوا يا عمي واسأل حتى سمير هتلاقيه شافني وانا في العربيه كنت قاعده جنب جوزي.. يعني الحق علينا اننا وصلناها بدل ما تتبهدل في الموصلات.
طارق وطاهر بيبصوا لاحلام پصدمة وانها فعلا بتتكلم بطريقه تقنع اي حد وابو هند حس ان روحه رجعتله ووشه نور وكان بيبتسم بسعادة وبيشكر ربنا...
في الوقت ده كان سمير ومامته وخاله وعمه والمأذون وصلوا واسامه فتحلهم الباب ودخل سمير وهو بيبتسم ببلاهة وقال انا جبت امي والمأذون ياعمي.
وقفت من مكاني واتعصبت عليه وقولته مأذون ايه اللي جايبه يا سمير انت صدقت ان هند ممكن تتجوز عيل زيك.
سمير بصلي پغضب وقال اهلا بالست احلام اللي بتلعب في دماغ هند وتقويها عليا.
طارق بصلي پغضب وقالي اسكتي يا احلام عيب كده.
في الوقت ده انا كنت مټعصبه من سمير لانه رفع ايديه على صحبتي وصوت عياط هند اللي وجعلي قلبي واتكلمت پغضب انت عارف يا سمير الزفت انت لو قربت من هند تاني ولا بس بصتلها انا هعمل فيك ايه.
سمير پغضب قصادي هتعملي ايه يعني يا احلام!
طارق قام وقف عشان يسكتني ووقف قدامي وانا اوزعه جنبه وعماله ازعق في سمير وقولتله سيبني عليه يا طارق...
طارق كان بيكتم ضحكته وقال اتهدي بقى وخلينا نعرف نتكلم.
متكلمتش تاني وانا ببص ل سمير بغيظ وهو بيبادلني نفس النظرات واتكلم ابو هند مع سمير وقاله صاحب العربيه اللي انت قولت انه وصل هند كان جوز احلام واحلام كانت معاه وهي اللي جايبه الورد لصحبتها.
سمير بصلنا پصدمة وقال لا طبعا كدابين دا انا شوفت هند بعيني وهي نازله من العربيه ومكنش فيها غير راجل لوحده!
رديت عليه بتوتر وانت شوفت الراجل اللي كان راكب العربيه.
سمير بص ل طارق اللي لابس نفس اللون اللي طاهر كان لابسه وقال بتردد انا متأكدتش من ملامحه اوي بس هو كان...
وبيبص ل طارق بتركيز بيحاول يفتكر وانا استغليت ده وقولتله ولما انت متأكدتش من ملامحه ازاي اتأكدت ان انا مكنتش معاه ولا انت عايز تسوء سمعة البنت وخلاص.
اتكلمت ام سمير پغضب مالك يا احلام شد حيلك على ابني ليه! دا على اساس اننا ھنموت على صحبتك دا انا ابني الف بنت تتمناه.
احلام وماله يا ام سمير خدي ابنك اللي الف واحده تتمناه وجوزيه واحدة منهم.
اتكلم خال سمير وعمه وقالوله انت جايبنا هنا نتهزق ولا ايه يا سمير!
سمير اتكلم مع ابو هند بعد اذنك يا عمي انت ادتني كلمه خلاص واللي بيحصل ده ملوش لازمة.
ابو هند لا ليه لازمه يا سمير.. مش انت اللي وقفت بنتي في الطريق ورفعت ايديك عليها وشهرت بسمعتها قدام الناس وڤضحتنا.
طاهر بص ل سمير پغضب وهو بيسمع انه رفع ايديه على هند واتوعد انه لازم يحاسبه على اللي هو عمله بس مش ده الوقت ولا المكان المناسب.
سمير بقلق قصدك ايه يا عمي.
ابو هند قصدي ان بنتي مش هتتجوزك يا سمير وابعد عن طريقها ولو اتعرضت ليها تاني في طريق انا اللي هقفلك.
ام سمير پغضب لابنها عجبك كده انا قولتلك من الاول الجوازة دي متنفعكش.
احلام عين العقل يا ام سمير خدي ابنك يلا وتوكلوا على الله.
سمير بصلي پغضب وقال وحياة امي يا احلام مش هسيبك.
طارق اټجنن لما سمير هددني قدامه وقرب منه وهو بيبصله بقوة وقاله انت بتهدد مراتي قدامي!
واحده من طارق في دماغ سمير ولقينا جسم سمير رجع لورا في امه وحط أيديه على دماغه وفي ډم ڼزف بسرعه من انفه وانا مبهورة من اللي طارق عمله دا واحده عمل فيه كده وطاهر كان كاتم غضبه من سمير ومنتظر لما نمشي من بيت هند.. وخال سمير وعمه خدوه بسرعه هو وامه وخرجوا من بيت هند وانا واقفه بكتم ضحكتي بعد اللي طارق عمله في سمير وطارق بصلي بغيظ وقالي ممكن مسمعش صوتك تاني لحد ما نمشي.
كتمت صوتي بإيدي وانا بهز دماغي طبعا انا مش مستغنيه عن نفسي دا
واحدة ل سمير جابله ارتجاج!
طارق بص ل ابو هند واتكلم انا طبعا بعتذر لحضرتك على اللي حصل دلوقتي ده بس اكيد انا مش هسمحله ېهدد مراتي وانا موجود!
كلامه ياناس بيخطف قلبي حبيبي اللي مش بيسمح لحد يزعلني
كمل كلامه وقال احنا جينا لحضرتك النهارده عشان نطلب ايد الانسه هند لاخويا طاهر.
وشاور طارق علي طاهر وابو هند بص له وطاهر اتكلم وقال انا يشرفني اني اطلب ايد الانسه هند بنت حضرتك وبتمنى حضرتك توافق.
طبعا انا مقدرتش امسك نفسي اكتر من كده وقولتله وافق يا عمي والله طاهر ابن حلال وهيسعد هند صدقني.
ابو هند ضحك وطارق بصلي بطرف عينيه عشان متدخلش في الكلام تاني وانا كتمت صوتي تاني وابو هند اتكلم مع طاهر وقاله وانت يابني بتشتغل ايه
طاهر انا درست إدارة أعمال وعندي شركة والدي الله يرحمه انا بديرها وطارق اخويا معايا طبعا وشريكي في كل حاجة بس طارق عنده شغله الخاص بعيد عن الشركة وانا بكون المسؤول في غياب طارق.
طارق اتكلم وعايشين في بيت العيله اللي بيجمعنا وانا واحلام اتجوزنا فيه وطاهر عنده جناح خاص بيه وطبعا هنفرشه علي ذوق انسه هند ان شاء الله لو في نصيب.
مقدرتش اسكت كتير وقولت والقصر كبير جدا يا عمي والجناح كأنه شقتين في بعض ومش هتحتاجوا تيجبوا اي حاجة كل حاجة موجودة.
ابو هند ومامتها بصوا لبعض وابتسموا وطارق تعب وزهق مني وقالي بقولك ايه يا احلام ما تقومي تشوفي صحبتك كده وسيبينا نعرف نتكلم.
بصيتله بغيظ وقولتله حاضر.
قومت روحت عند هند وطارق اتكلم مع ابو هند وقاله حضرتك احنا مستعدين لاي طلبات تطلبوها.
ابو هند بصراحة انتوا فجأتونا بطلبكم ده وشكلكم ولاد أكابر يعني وانا مش عايز بنتي تحس بفرق المستوى بينا وبينكم في يوم.
طارق حضرتك احنا بنشتغل وربنا بيكرمنا زينا زي اي حد والارزاق دي بتاع ربنا وبيقسم الارازق علينا بالتساوي وبنت حضرتك بأخلاقها وتربيتها وادبها عندنا اغنى من بنات كتير.
ابو هند بسعادة ربنا يكرم اصلك انتوا شكلكم ولاد ناس ومتربين وانا اكيد مش هلاقي لبنتي عريس احسن من اخوك بس برضه هحتاج وقت نفكر وناخد رأي العروسه.
في اللحظة دي احلام دخلت عليهم لووووولوووووي انا سألت العروسه وهي موافقة يلا نقرا الفاتحة.
طارق اټصدم وقال مفيش فايدة.
وطاهر كان ھيموت من الضحك هو وابو هند ومامتها واسامه.
ابو هند وهو بيضحك وانا مش هنزل كلمة احلام.. نقرا الفاتحة.
ابتسمت بسعادة وكلهم رفعوا
متابعة القراءة
