العقاپ بقلم ندي محمود

السخافة اللي بتقولها دي 
فاطمة پغضب _ 
_ حاتم 
رمقته نادين بنظرة غاضبة وأعين غارقة بالدموع قبل أن تستدير وتندفع لخارج المطبخ مهرولة أما فاطمة فتطلعت بحاتم الذي ابتعد عنها
كالثور الهائج يركل طاولة المطبخ بقدمه ويصيح بسخط هادر _ 
_ دي لا يمكن تكون طبيعية ! 

_ مش طبيعية عشان بتحبك !!! 
الټفت إلي خالته وضحك باستهجان يجيبها ساخرا _ 
_ امممم واضح جدا الحب والثقة ! 
فاطمة بجدية وحزم _
_ خط نفسك مكانها يا حاتم كنت هتعمل إيه !! 
حاتم بنظرات ثاقبة وبثبات تام _ 
_ كنت هثق فيها وفي حبها ليا بس هي اختارت الطريق الأسهل وحتى محاولتش تتفاهم معايا 
فاطمة برزانة وهدوء تام على عكس ثورانه هو _ 
_ حاتم إنت اللي غلطان يابني اتعصبت عليها امبارح واتهمتها إنها عملت كدا قصد وبرضوا مكنش ينفع تبص لجلنار نهائي 
هتف منفعلا _ 
_ هو حتى إنتي كمان ياخالتي هتعملي زيها !! نظرتي لجلنار كانت لوم إنها ادت لعدنان فرصة تانية بعد اللي عمله معاها لكن الهانم فسرتها حب وعشق وإني مش بحبها أصلا وأنا خدعتها قال !!!!
اقتربت منه وتمتمت برجاء وصوت لين _ 
_ وافق ياحبيبي وخليها ترتاح واعملها اللي هي عايزاه بلاش تخسر مراتك هي بتحبك بجد 
حدقها حاتم بنظرات مظلمة قبل أن يهتف بصوت عالي متعمدا أن يصل صوته لأذنها بالأعلى _ 
_ مفيش مشاريع هتتم مع عدنان الشافعي 
انهي عبارته واندفع لخارج المطبخ ومنه لخارج المنزل بأكمله وكانت هي حبيسة غرفتها بالأعلى تبكي بحړقة وألم كلاهما لا يتنازلان عن عنادهم وكبريائهم !! 
كان يقود السيارة وبطريقه للعمل قبل أن يصدح صوت رنين هاتفه المرتفع فيرفعه ويتطلع بشاشته
في نظرة خاطفة حتى لا تغيب أنظاره عن الطريق أمامه ثم ضغط على فتح المكالمة وفتح مكبر الصوت يجيب _ 
_ الو 
أجابت الخادمة بالمنزل على الهاتف في صوت مزعور _ 
_ عدنان بيه الحق الست هانم تعبانة أوي !! 
سرعان ما ظهر القلق والاهتمام بصوته _ 
_ تعبانة إزاي يعني ! 
الخادمة بصوت مرتعد _ 
_ مش قادرة تاخد نفسها وحراراتها عالية 
أجابها بإيجاز وقلق _ 
_ طيب خليكي جنبها وأنا جاي في الطريق حالا 
أنهت المكالمة وانزلت الهاتف من فوق أذنها ثم حدقت بأسمهان المسطحة فوق الفراش وتتطلعها بعينان واهنة لتسألها الخادمة بقلق _ 
_ يا أسمهان هانم خليني اتصلك بالدكتور لغاية ما يجي عدنان بيه 
لمعت عيناها بسعادة وقالت _ 
_هو قالك جاي 
_ أيوة قالي هيجي حالا 
أسمهان بصوت متعب وواهن _ 
_ أنا بقيت كويسة شوية ولما يجي ابني هبقى زي الفل
دقائق طويلة نسبيا وتوقفت سيارة عدنان أمام المنزل ونزل منها ليقود خطواته المسرعة للداخل رغم خلافاته مع والدته ومقاطعته لها لكنها ستظل أمه ! 
وصل إلى غرفتها بالأعلى ودخل فوجدها متمددة فوق فراشها وملامحها واضح عليها الضعف اقترب منها وجلس بجوارها يهتف في قلق _ 
_ أنا اتصلت بالدكتور وهو جاي في الطريق دلوقتي إنتي بقيتي كويسة شوية ولا لسا تعبانة 
رفع كفه يتحسس حرارة جبهتها فوجدها مرتفعة بالفعل كما أخبرته الخادمة بينما هي فطالعته بحنو
وهمست بخفوت _ 
_ بقيت كويسة ياعدنان ياحبيبي لما شوفتك وحشتني أوي يابني
حدقها بجمود للحظات طويلة دون إن يجيب عليها حتى ارتفع صوت رنين هاتفه فأخرجه فورا واستقام واقفا يجيب على الطبيب الذي أخبره بوصوله فغادر الغرفة يتجه لباب المنزل حتى يستقبله 
بعد وقت طويل نسبيا انتهى الطبيب من فحصه لها وكتب لها العلاج المناسب لحالتها الصحية ثم غادر فبقى عدنان واقفا بجانب فراشها وهتف بخشونة _
_ خدي بالك من نفسك ومتهمليش في صحتك إنتي سمعتي الدكتور قال إيه 
تطلعته أسمهان بحزن وقالت في رجاء وأمل _ 
_ مش كفاية يابني عقابك ليا ده أنا اتعلمت من غلطي ومش هقرب من جلنار تاني نهائي بلاش تعاقبني ببعدك عني ياعدنان إنت عارف أنا مقدرش اعيش من غيرك إنت وآدم
تنهد الصعداء بقوة قبل أن ينحنى عليها ويملس بلطف فوق كتفها هاتفا في نبرة جافة بعض الشيء _ 
_ الف سلامة عليكي أنا قاعد برا لو احتجتي حاجة خلي بدرية تقولي 
لم يهملها الفرصة لتجيب عليه حتى بل انتصب في وقفته فور انتهائه من عبارته واندفع لخارج الغرفة ليتركها تتأفف بخنق وعدم حيلة امتزجت بحزنها وبؤسها ! 
قاد خطواته الثابتة تجاه غرفته ووقف أمامها للحظات بسكون ونظرات مظلمة قبل أن يمد يده ويفتح الباب ببطء ثم يدخل ليتجول بنظره بين أرجاء الغرفة وكأنه لم يدخلها منذ قرن كل شيء بمكانه وموجود باستثنائها هي ! يشعر بها في كل ركن من أركان الغرفة وذلك الشعور ېخنقه ويثير أعصابه 
وقعت عيناه على مقعد وثير وهزاز كانت لطالما اعتادت أن تجلس عليه وهي تحتسي شرابها الصباحي الدافيء في الشتاء وحين الټفت برأسه تجاه الفراش أظلمت عيناه والتهبت نيران صدره اكثر ذلك الفراش شهد على جميع الليالي التي كانت تسكن بها بين ذراعيه وحين كان هو يمطرها ويشبعها بحبه وحنانه كانت هي
ټطعنه من الظهر وربما بالليلة