العروسة هربت بقلم هبة عامر
المحتويات
الحقونى يا جماعة العروسة هربت
ايه هربت !!! ازاي يحصل كده راحت فين دي كمان
واحدة من المعازيم قامت وقالت
هربت يبقى اكيد في حاجه يا عالم وراها ايه
حياة اختها قالت
... انت بتقولي ايه انا ما اسمحلكيش تقولي على اختي كده
الست
...طب ياختى روحى شوفيها فين ولا انت فالحه بس تتشطري عليا دي اكيد وراها ان اه ما هو مفيش عروسة تسيب فرحها يوم دخلتها الا اذا كان وراها
ان
حياة
...بقول لك اسكتي يا ست انتى انا اختي اشرف بنت فالعيلة دى بلاش كلام فاضى بقى واسكتى
الست
كانت لسه هترد عليها لكن امها طلعت وقالت بحزن
... تعالي يا حياه عايزاكي في كلمتين جوه لوحدنا دخلت وراها جوه في اوضتها وامها قالت
... شفتى يا حياه شفتى اختك وصلتنا لايه بتهرب يوم فرحها عايزه تفضحنا وتجيب لنا العاړ طب هي عملت كده ليه ياعلا
حياة
... بس يا ماما دي كانت لبست فستانها وكانت جاهزه على الجواز حد فيكم زعلها او هو مثلا اتصل بيها وقال لها كلام يضايقها..
امها
... والله يا بنتي ما عارفه انا فجاه بيقولوا لي الحقي بنتك هربت المهم دلوقتي احنا لازم نتصرف في المصېبه دي الجوازه دي لازم تتم انتى عارفه يا بنتي والا هنتفضح في البلد كلها وعشان كده انت اللي هتتجوزي بدلها النهارده يا حياه ..
.. ايه انا اللي اتجوز ازاي يعني لا طبعا انا مش ممكن اتجوزو هو بيحبها هيا واتقدملها هيا يبقى ازاى هقبل انى اكون زوجة لية لا ياماما لا مش هينفع صدقينى انا مقدرش اعمل كدا
الام
..يابنتى مفيش حل تانى غير دا ارجوكى يابنتى وافقى دا ابوكى ممكن يروح فيها يرضيكى يابنتى سيرتو تبقى على كل لسان بسبب اللى حصل دا
حياة بصتلها بحزن ونفخت بضيق وبعد ساعة كان الماذون وصل واتكتب كتابها حياة بصت لمعتز اللى كان قاعد مبسوط ومش باين علية اى علامات ضيق او استغراب من اللى بيحصل استغربت جدا ورجعت بذاكرتها لورا لما كانت قاعدة مع اختها وبتقولها
..مش هتصدقى مين جايلنا النهاردة
حياة
... مين يعنى ياختى ... كانت بتكلمها وهيا ماسكة الفون ومش مدية لكلامها اهتمام
علا
..حزرى فزرى حد انتى بتحبية اوووى
حياة
... هيكون مين يعنى احمد عز مثلا ولا ظافر عابدين
علا
... لا حد بتحبية اكتر منهم كمان اللى جاى من السفر يبقى معاذ ابن عمممك
حياة رمت التليفون من ايدها ووقفت وقالت بفرحة
.. اييية بجد بتتكلمى جد معاذ جاى مين قالك هاا عرفتى منين قوليلى بسرعة
علا ضحكت على اختها وقالت
... هههه طب بالراحة بالراحة وانا هعترفلك بكل حاجة الصبح عمك اتصل بابوكى وقالو ان معاذ ابنة راجع من السفر النهاردة ومش بس كدا دا جاى عشان يخطب ويتجوز كماان وقالو انة هيزورنا بالليل يبقى اكيد جااى يخطبك انتى مفيش كلام اى رايك فالمفاجاة دى بقى
... لالالا انتى اكيد بتهزرى معقول كلامك دا دا انا مستنياة ينزل من اكتر من سنة عشان اشوفو بس يقول ينزل ويخطبنى كمان انا حاسة ان هيجرالى حاجة
علا
... واهزر لية يابنتى اهو ياخبر بفلوس بالليل بس هيبقى ببلاش مبروك يا قلبى الف مبروك
فالوقت دا دخلت امهم عليهم وهيا سعيدة اوى وقالت بسعادة
.. عارفين يا بنات مين جايلنا النهاردة
البنات عملو نفسهم مش عارفين وقالو
... ياترى مين قوليلنا انتى ياماما عشان مش عارفين
الام
... معاذ ابن عمكم راجع النهاردة من لندن وجاى يخطب ويتجوز كمان قبل ميرجع شغلو تانى عايزاكى بقى يا علا تبقى على سنجة عشرة النهاردة عايزاة لما يشوفك يتهبل عليكى
علا باستغراب
.. اناااا وانا مالى انا يا ماما
الام
... مالك ازاى بس ماهو جاى يخطبك انتى يابنتى
الاختين بصو لبعض پصدمة وبعدين اتغيرت ملامحهم بحزن لحياة وعصبية لعلا اللى ردت وقالت
.. اية اللى انتى بتقولية دا ياماما انتى متاكدة من كلامك دا اكيد فية حاجة غلط
الام
.. وهيا دى حاجة فيها هزار يابنتى عمك اتصل الصبح وقال ان معااذ جاى عشان يخطبك انتى اومال كنتى مفكراة جاى لمين ااختك مثلاا
علا
.. بس انا مش موافقة ياماما انا مبحبش معاذ دا ومش عايزاة
الام بعصبية
..هو اى اللى مش عايزاة هو انتى تطولى واحد زى
متابعة القراءة
