قلوب تتمنى العشق للكاتبة نرمين عادل همام

يعطيها ذلك الدفتر الذي يتحدثون عنه واخذته وجلست جانبا بمفردها حتى تقرأ ما كتبته رحمه وتعرف هل هي خاطئه تعشق الرجال أم أنها طفله حالمه!.
وجدت صفيه في ذلك الدفتر مجموعة كبيرة من الخواطر وبدأت تقرأ كي تفهم.
فنادت على زوجها محمد ان يجلس بجانبها وتقرأ له هذه الكلمات لعل قلبه يلين ويفكر قليلا ولا يتاثر بكلمات منصور أو عنايات الحاقدة
_ اقرا يا محمد كويس أنت إنسان متعلم شوف البنت بتقول إيه في آخر سطر كتبت إنها تنتظر قدومه معنى كده أن هي ما تعرفوش لو بتعرفه كانت وجهت له الكلام بعدين أنا عايزه أفهم هو كل شاعر أو أي كاتب بيكتب لحد معين بصراحه اختك تفكيرها غريب!
ثم سكتت صفيه ونظرت إلى محمد كي يشعر أن تلك الفتاه بريئه ويتحدث مع منصور لكنه قال لها
_ والله لو قلت إيه بالذي أنا مليش دعوه بالموضوع ده.
_ ملكش دعوه ازاي انت عمها!.
_ايوه عمها اللي مسافر علطول زي ما منصور قال لي أنت جايب صبيان وأنا وعنايات عندنا بنات ده حتى عبد الرحمن ومراته قاعدين ساكتين لكن إن جيتي للحق أنا الصراحه حاسس إنعبدالرحمن مش مقتنع و مراته كمان.
دلوقت قال لمنصور  أنه عاوز يمشي وانه مش هيقعد كده كتير ولو قعد هيروح الأوضة  إللي عنايات حابسه فيها رحمه ويفتح لها الباب انت تعرفي هدد منصور أنه هيطلب البوليس!!
_طب والله احسن ومنصور قال له إيه!.
_منصور ما قالش عنايات إللي ردت وقالت كلام كده غريب أن لو أنت بتقول كده يبقى أنت عارف حاجة عن البنت وسكت مراتك عارفة أنتم عارفين كلكم وكلام كده غريب عايزه تدخله في مشكله و تدخل مراته في مشكله!.
وفي هذه الأثناء دخلت عنايات غرفه رقيه والتي لم تجف دموعها لحظة واحدة لأسباب عديدة ومنها السبب الأول مرض زوجها  فقد قال الأطباء أنه لن يستطع الكلام مرة أخرى أو السير
بعد ذلك!.
غياب السند والظهر التي اعتمدت عليه سنوات طويلة إلى من ستلجأ هل ستلجأ لأحد أقاربها أنهم لم يسألوا عنها سنوات طويلة ليس لديها غير أختها فاطمة والدة حنين حاولت أن تشرح لمنصور أن ابنتها بريئه فنهرها وقال إنها تعلم إن ابنتها مخطئة وأنها قد دللتها لأنها وحيدتها الآن وها هي قد جلبت لهم العاړ!
 دخلت تلك العقربة واقتربت منها ونظرت إليها شامته وهي تقول
_ اتفقت أنا وأخواتي هناخذ بنتك للدكتور نعرف زي ما أنت بتقولي شريفه ولا مش شريفه غلطت مع اللي سكن قدامكم ولا لأ.
بكت رقيه كما لم تبك من قبل كيف أن يتهموا ابنتها تهمة كهذه 
تلك الرقيقة الصغيرة حتى وإن كبرت بعدة سنوات ستظل صغيرة لم يلوث قلبها مثلهم مثل عنايات أو إحدى ابنتيها
تنفست رقيه بعمق حتى تستطيع أن تخرج بعض الكلمات التي تضغط بها على كرامتها وهي تعلم أن ابنتها بريئه وتعلم أنها مکيدة من عنايات وابنها محسن.
اقتربت منها رقيه وقالت لها
_ انت إللي فيك بتوقعيه على بنتي خلي بالك مش كل البنات زيك وأنت صغيرة وعشان تبقي فاهمة أنا عارفه أن سمعتك زي القرف في الحته إللي إنت ساكنه فيها وعارفه إنك غلطتي كثير حتى بعد ما اتجوزتي مش غلطتي أنت حبيتي مجرد حب من بعيد لبعيد لا أنت تلوثتي عارفه يعني ايه تلوثتي واللي فيك عايزه تمسحيه في بنتي!!.
_بتخرفي يا رقيه والله لو قعدت مليون سنه ما حد هيصدقك اتكلمي أكثر بقول لك افتحي الباب واخرجي وصوتي وقولي الكلام ده عليا وشوفي اخواتي هيعملوا فيك إيه ولا أقول لك اخواتي ليه! شوفي محسن إللي هجوزه البنت ڠصب عنك هيعمل فيك ايه
_كلامي مظبوط وإنت عارفه أنه مظبوط أنت نسيتي إن أمك كنت أنا اللي بخدمها قبل ما ټموت سبتها تقول كل إللي في نفسها لكن عمري ما نسيت إللي هي قالته عليك!
_ اتكلمي أكتر ما حدش هيصدقك كنت ساعتها اتكلمتي لكن جايه بعد سنين طويلة تقولي أمك قالت وعادت
نفسي تجربي تتكلمي وتشوفي إبني هيعمل فيك إيه إذا ما كان قلبك من البلكونه وهنطلع منها زي الشعره من العجينه كل اخواتي هيشهدوا إنك اڼتحرتي لما عرفت اللي في بنتك!.
وبعدها هوري بنتك اللي عمرها ما شافته هخليها تبوس رجل ابني الصبح وبالليل وهخليه يتجوز عليها!.
_ نفسي أفهم أنت كرهانا كده ليه
انت فاكرة إن أنا مش عارفه إن أنت إللي سحرتي وإنك سبب مۏت غفران ان بنتي ماټت وهي بتتلوى من الألم إللي فيها كل عظامها اتكسرت واحنا بنحاول نخرج الجن إللي كان لابسها 
أنت فاكرة ربنا هيعديها لك بالساهل ولا بعديها لك في الدنيا تفتكري هتهرب من عقابه في الآخرة أنت كنت السبب في مۏت انسانه فاهمه يعني ايه مۏت انسانه!
_ بتطولي في كلام ملهوش لازمه