قلوب تتمنى العشق للكاتبة نرمين عادل همام

فرقت ما بين قلبها وبينه دون أن يشعر هو وتزوجت من شخص آخر عاشت معه سنوات طويلة جسد بلا روح.
يا ماما ارحميني بقى قلت لك مليون مرة عايزه أطلق لما باجي لكم هنا برتاح مش عايزه اروح عنده اقنعي بابا يقول له يجي يعيش معانا هنا في البيت كبير وهو كده كده بخيل!
انتوا اللي بتصرفوا عليا وأنا متجوزاه يبقى يجي يقعد معانا هنا.
يا بنتي وجوزك هيرضى!
هيرضى يا ماما ما تخافيش أنا كمان تعبت مش بنام أنا لسه والده البنت وتعبانه مش عارفه لاحق ما بين اختها اللي عندها سنتين وما بينها ولازم أنت تبقي قاعده معايا وانت مش بتحبي تروحي تقعدي عند حد يبقى الحل الوحيد اجي أنا وهما نقعد هنا
لو مش عاجبة خليه في بيته لكن انا وبناتي هنيجي نقعد معاكي هنا على طول ومش هنمشي
_طيب يا بنتي إللي يريحك
وكمان يا ماما هنا اريح لي فعلا غفران هتاخد بالها من البنات معايا.
نظرت  إليها والدتها مطولا لكنها صمتت ثم قالت بعد دقيقه
_ ايوه طبعا يا بنتي  إللي تشوفيه كله صح يا حبيبتي إللي متوهني يا بنتي ان انت عشان تتجوزيه تعبت وتعذبت من إللي عملته فينا عمتك وابنها بعد ده كله ايه اللي حصل بعد ما اتجوزت!
والله يا ماما ما عارفه هو بيقول أنه مربوط أو حد عامل له حاجه مش عارفه إزاي واحد كان عايش في فرنسا سنين طويلة يفكر في كده
وايه اللي خلاه يجي يعيش في مصر بعد ما قال إن إحنا هنعيش هناك لا أنا قادره انسى اللي حصل فيا ولا هو قادر يتغير ده غير اللي بيعمله.
_ما انت يا بنتي ما تقوليش هو بيعمل ايه!
في حاجات ما تنفعش تتقال يا ماما وقلت لك الكلام ده كثير الوحيده اللي بقدر اقول لها هي غفران بس.
انت عارفه أنك امي اه لكن أنا حاسه فعلا إن اختي الكبيرة هي امي ..ما بتعرفي يا ماما حبها عامل ازاي في قلبي وربنا يبارك لي فيها ويديها الصحه وطوله العمر
لكن رحمه لمحت في اعين والدتها دموع كثيرة.. لماذا تبكي!
جعلتها  تفكر هي لم تفعل شيئا خاطئ أرادت الاستراحه من ذلك الزواج الذي هو والعدم واحد.
ندمت  كثيرا حينما فكرت أن في الزواج خلاصها من اشياء كثيره أحلام مزعجة نفسية مكتئبة وحده بشعه لكنها أدركت أن من  تزوجته وضع فوق اكتافها أحمالا لا تستطيع أن تحملها بمفردها أحمال نفسيه و أحمالا اجتماعيه لم تستطع أن تفهمه وهو لم يستطع أن يفهمها هي حالمه ورقيقه أما هو كان شعلة من ڼار.
تذكرت والدتها في تلك اللحظة ما حدث منذ سنوات ليست  كثيرة تلك المحڼة الكبيرة التي وضعت بها  بسبب محسن ابن عمتها و بسبب عمتها تلك العقربة التي تطمع في مال ابيها وكيف لا وابيها لديه ابنتان فقط اما عمتها فلديها البنين والبنات وتريد أن تأخذ من مال ابيها تعطي أبنائها.
تشعر دائما أن هناك شيء مفقود! حتى عندما تتذكر ما مضى..
اين غفران! لماذا  تتذكر فقط حنين ابنة خالتها لكنها لا تجد أختها بجانبها كيف وها هي متواجده تحكي لها ما مضى!!.
أما النيش فكان منطقه ملغمة لا يستطيع أحد أن يفتح أبوابه إلا بتصريح كتابي من رقيه والدتها!.
_صباح الخير يا بنات اصحوا بقى الساعه قربت على عشرة  ما ينفعش كده!
ردت عليها رحمه  وهي تتثائب
صباح الخير يا أجمل روكا في الدنيا ماما انت نسيتي إن أنا في الاجازه ولا إيه إنت عارفة إن السهره كانت صباحي وتحايلت على حنين تبات معايا النهارده قصدي الليله اللي فاتت.
أكملت حنين ابنه خالتها الكبرى
_ ايوه يا خالتي والنبي طفي النور واخرجي من الأوضه وأنت فاكره بنتك نايمه ماسكه التليفون و خوتاني بيه طول الليل أغاني لغاية ما صدعت أكمل نومي بس علشان أنا دلوقتي لو طلعت فوق لأمي هتبعتني السوبر ماركت أجيب لها الطلبات.
تضحك رقيه وهي فرحه أخيرا تحاول ان تخرج رحمه من تلك الحالة النفسية التي أصبحت عليها منذ عدة سنوات منذ ذلك الحاډث المشؤوم هي ايضا تحاول الخروج منها.
عندما تتذكر الفقيدة تبكي لكنها تصمت لا تجد لها ملجأ غير حجرة الصالون التي حرمت الجميع من الدخول إليها تقرأ القرآن أو تستدعي الشيخ طاهر هي وزوجها لكي يقرا آيات القران حتى تهدأ نفوسهم جميعا
ضحكت رقيه فرحة لابتسامه ابنتها
_ حاضر يا بنات كملوا نومكم وأنا هكلم امك دلوقتي يا حنين وأقول لها أن أنت لسه نايمه لما تصحوا هتلاقوني حاطه الفطور في المطبخ على الترابيزة.
مش عايزه أي حوادث في المطبخ و محدش فيكم يقلد لي برامج الطبخ للشيف شربيني ولا إبنه كفاية العك إللي انتم بتعملوه!
ردت رحمه أنا يا ماما هقوم أفطر