قلوب تتمنى العشق للكاتبة نرمين عادل همام

يضع يده على كل ممتلكات عبدالوهاب!!.
أما في المنزل بعدما غادروا مباشره قامت رقيه بالطرق على باب الشقة المقابلة ففتح لها كريم وهو في حالة حزن كان يعتقد أن هناك مشكلة كبيرة في منزل والد رحمه بعدما أبلغ البواب الجميع أن السيد عبدالوهاب يرقد بين الحياة والمۏت في المستشفى!!
ولان والدتها قد قرأت ما كتب فاعتقدت انها تحب كريم فشرحت له كل ما حدث لابنتها وكأنها تطلب منه المساعده وبدون أن تكمل حديثها
قال لها
_من قبل ما حضرتك تكملي كلامك أنا عارف إن رحمه بريئه من الكلام اللي هم بيقوله
وأنا يشرفني أن أنا أطلب ايدها منك ومن والدها أنا عايش بقالي سنين كثيره في الغربة وباجي اقعد مع والدتي كل كام شهر مده بسيطه لكن كنت خاېف من فرق السن إللي بيني وبينها 
_يا ابني أنا مش هلاقي أحسن منك لكن إيه العمل دلوقت 
_ بصراحه أنا مش عارف الناس دي بتفكر إزاي أنا هجيب المأذون للبيت واطلبها من عمها ولو كان همه الفلوس ما يهمكيش أنا  هكتب له الشيك بمهر  كبير وهكتب الشيك باسمه متهيالي لما يشوف الشيك هياخدوا لنفسه صح ولا لأ.
_ صح يا ابني طالما عليه اسمه هياخدوا لنفسه ولا هنشوف منه مليم ومش مشكله الفلوس المهم أن بنتي تتجوز واحد ابن حلال زيك
واتفقت معاه على ذلك وغادرت شقته تحت أنظار والدته التي كانت تبكي مما يحدث مع هذه الفتاة الطيبة.
وبعد قليل وصل الجميع للشقة الخاصة بعبد الوهاب واحتضنت الأم ابنتها ونظرت لأعمامها وقالت لهم
_ ظلمتم بنتي أنا مش هتكلم أنا هفوض  ربنا يأخذ لي حق بنتي وحقي منكم
تحدثت صفيه أن زوجها محمد كان ينصاع إلى طلبات أخيه الكبير وبررت فاتن هي الأخرى موقف زوجها الرجال الذين كانوا يجلسون صامتين!.
أبلغت رقيه ما حدث بينها وبين كريم إلى صفيه فما كان من صفيه إلى أن قامت بتحضير غداء للجميع حتى تكون هناك وقت طويل لكي يأتي كريم بالمأذون كما قال
وبالفعل وبعد ساعتين سمع الجميع صوت جرس الباب ينبئ بقدوم شخص ما!.
فتح محسن الباب وشاهد كريم ومعه ثلاثه أشخاص يحمل أحدهم حقيبه خاصه بالاوراق فنظر إلى كريم پغضب شديد
_ نعم إيه اللي جابك عمي عبد الوهاب مش هنا في المستشفى لو عاوز تشوفه خذ العنوان من البواب
قام منصور لا يعلم ماذا يحدث لكنه وعلى غير متوقع الجميع قام بابعاد محسن عن الباب وادخل كريم بترحاب شديد.!!
وقتها خرج محسن من الشقة وهو يقول
_ طالما البني آدم ده موجود هنا مليش قاعده معاكم أنا نازل هقعد على القهوة شويه وهاجي كمان ساعه ولا حاجه يكون مشي
لم يلتفت إليه أحد..
وبعدما جلس كريم تحدث مباشره مع عمها وقال له
_طبعا أنا قابلت حضرتك قبل كده هنا عند عم عبد الوهاب وتعرفت عليك وحضرتك عارف إني بشتغل مرحمه س وخالي ساعدني إني اسافر فرنسا بعد ما تخرجت علطول انا بقالي سنين طويله هناك وطبعا لما أحب اتجوز لازم اتجوز واحده تعرف طبعنا متربيه على أخلاق والأصول ومش هلاقي أحسن من الآنسه رحمه !
حاول منصور مقاطعته لكن كريم اكمل
_ لو حضرتك عايز تقول إن باباها في المستشفى أنا من ساعة فاتت كنت بزوره والدكتور سمح إني أدخل أتكلم معاه على فكره هو بيتكلم لكن ببطء شديد وما تزعلش مني أنا حكيت له على كل حاجة أنا عرفتها هنا وإيه إللي حصل لبنته وانتم عملتم فيها ايه
و مين كان السبب وطلبت أيدها منه وهو وافق وقلت له اني عايز اتمم الفرح وايدي في ايد عمها الكبير وقتها بكى وهز رأسه إنه موافق!.
وعلشان كده جبت معايا الشهود والمأذون علشان نكتب العقد دلوقت
استأذنه منصور لعمل اتصال هاتفي وبالفعل غاب في حجره الصالون حوالي ربع ساعة كان قد اتصل بالطبيب فيها الذي أبلغه بصحة الحديث الذي قاله كريم وبعد ذلك ولأنه عرف أن أخاه أقترب من الشفاء ولا يستطيع أن يفعل أي شيء وها هي البنت قد أظهرت للجميع أنها بريئه.
فخرج مباشرة وجلس مع الرجال ووضع يده على كتف كريم وهو يقول
_ طالما أخويا عبد الوهاب وافق أنا موافق لأنه ابوها وهو أقرب مصلحتها على بركة الله يا ابني
وهنا قامت عنايات بالشجار مع اخيها أمام الجميع
_ ايه الكلام ده أنت بتقول إيه يا منصور مين أولى بها ابن عمتها أولى بيها دي لو قاعده جنب عريسها إبن عمتها يمسك أيدها وياخدها!

الفصل الثالث
وانقلبت الاية الآن أصبح الجميع يقف في وجه عنايات وولدها بعدما شعروا أن موضوع تسجيل المحادثة بينها وبين حنين ما هي إلا مکيدة من عنايات ومحسن فالجميع يعلم مدى سواد قلب عنايات وكرهها للخير لأي فرد من أفراد العائلة.
وابتدأت المشاجرة عنايات التي تقف كالۏحش الهائج كيف