العروسة هربت بقلم هبة عامر

بس يابنى انت هتخسر اى يعنى
معاذ.
.. ماشى هجرب
وعند علا كانت قاعدة مع اختها حياة ورايحة جاية فالاوضة
علا
.. لااا ما هو انا مش هفضل قاعدة كدا لحد مالاقى الماذون داخل عليا بدفترو دا انا لااازم اتصرف بس اعمل اى ياربى اعمل اى دلينى ياحياة اتصرف ازاااى
حياة
.. مينفعش تعملى حاجة ياعلا خلاص اللى حصل حصل ووو
علا
.. يابنتى بطلى سلبية بقى ودافعى عن حبك انتى لية كدا انا لو منك كنت جبتو من شعرو وخليتو يتجوزنى بالقوة

حياة
.. مفيش راجل بيتجبر على جوازة يا علا وهو طالما اختارك انتى يبقى بيحبك ازاى بقى اقولو لا حبنى انا واتجوزنى انا انتى اكيد اتجننتى
علا
.. خلاص يبقى انا اللى هتصرف... وفالوقت دا رن تليفونها بصت لقت رقم معاذ فقالت
.. الحقى دا معاذ بيتصل
علا
.. الوو ايوا مين معايا
معاذ
.. مين معاكى !! اية دا هو انتى مش مسجلة رقمى ولا اى
علا
..ااااة معاذ لاا اصل نسيت اسجلو نعم
معاذ
.. نسيتى ماشى ماعلينا بصراحة انا بتصل عشان موضوع كدا يعنى محرج حبتين
حياة قامت وشاورتلها انا هتنزل تحت تشوف مامتها محتاجة اى تساعدها فية بس الحقيقة انها مكانتش قادرة تشوفهم وهما بيتكلمو سوا قدامها نزلت فرد علا علية وقالت
علا
... ان جيت للحق انا كمان كنت عايزاك فى موضوع كدا برضو بس اتفضل قول موضوعك الاول
معاذ
.. تمام .. انااا والدى لما جالكم امبارح يعنى اتلخبط شوية كدا وبصراحة عك الدنيا خالص وانا من احراجى مبقيتش عارف اقول اى او اصحح الاسم ازاى خصوصا يعنى انك وافقتى عليا يعنى اكيد بتحبينى صح
علا
.. على فكرة انا مش فاهمة منك اى حااجة متتكلم دوغرى كدا وتقول فى اى
معاذ
.. اصل بصراحة كدا انا كنت جاى اتقدم لحياة لكن ابويا اتلخبط وقال علا وانتى لما وافقتى احرجتينى ومبقيتش عارف اقول انى جاى لحباة مش ليكى انا عارف ان الكلام دا صدمة بالنسبالك لكن دا جواز ولازم نبقى صرحاا فية من الاول
علا وهيا مصډومة وفرحانة ومبلمة فى نفس الوقت
.. انت بتتكلم جد ولا بتهزر ولا بتستعبط ولا اى بالظبط هاا
معاذ
.. استعبط لية هو دا كلام ينفع فية هزار اصلاا
علا
.. تصدق بالله انت احلى ابن عم فالدنيا عارف انا من دقيقتين بس مكنتش طايقاك وعمالة اخطط هطفشك ازاى انما دلوقتى انت حبيبى حبيبى
معاذ پصدمة
.. انااا مش فاهم حاجة هو فية اى
علا
.. فية الموضوع التانى اللى كنت عايزة اتكلم معاك فية واللى ميختلفش كتير عن موضوعك
معاذ
.. اية انتى كمان اتلخبطى زى عمك ولا اى
علا
.. بالظبط كدا عارف موافقتى عليك دى كانت اى
معاذ
.. ايية
علا
... كنت بقوول ااااة من الالم اصل اختى حياة داست على رجلى عشان اوافق فانتو اخدتوها بالموافقة لكن الحقيقة انا مش موافقة يابن عمى عارف لية لان حياة بتحبك انت
معاذ ببلاهة
.. هااا انتى بتتكلمى جد يعنى انتى مكنتيش موافقة عليا اصلا وكمان اختك بتحبنى طب هنعمل اى فاللى حصل دا هنتصرف ازاى
علا
.. بص انا عندى فكرة مچنونة هننفذها سوا النهاردة اى رايك
معاذ
.. تمام قوليلى عليها
ابتدت علا تقولو عالفكرة وتفاصيلها اللى هيعملوها معاذ اعجب جدا بفكرتها وقال
معاذ
.. دى فكرة هااايلة وكرييتيف كدا وجديدة انا جاهز لتنفيذها
علا
... اشطااا عليييك
قفل معاذ وهو سعيد اوى من المكالمة دى بصلو احمد اللى استغرب من تغيرة من مجرد مكالمة
احمد
.. اى يابنى اى اللى حصل وبدل حالك كدا تكونشى اقنعتك تتجوزها
معاذ
.. اسكت انا مش مصدق اللى حصل معقولة مكالمة تليفون تحل المشكلة بسهولة كدا
احمد
.. اية قالتلك اييية متقول بفى وبطل الغازك دى
حكالو معاذ عاللى حصل فرد احمد وقالو
احمد
.. يااا سبحاان الله يعنى لو مكنتش اتصلت بيها كنت هتتدبس فى علا او شوف كان ممكن يحصل اى وقتها طب وحياة هتقولولها ولا لا
معاذ
.. انا قولتلها متقوليش خليها مفاجاة اسكت دى البت طلعت بتحبنى من زمان وانا معرفش انا برضو جان واتحب
احمد
.. ياخى اتلهى طب ما انت كمان بتحبها من زمان واهى جاتلك عالطبطاب اهو ورينا بقى هتعمل اى
معاذ
.. هنفذ الخطة بالظبببط
وعند علا وبعد ماقفلت الفون مع معاذ بداات بالفعل تجهز نغسها ولبست فستان الفرح طلعت حياة وشافتها واستغربت اوى انها لبست وجهزت من نفسها ومن غير محايلة فضلت