ذكريات لا تنسى كاملة بقلم الكاتبه عبير سليم

وبفضل تشجيعك لية لولا وقفتك جمبي مكنتش حجيب المجموع ده أبدا 
علي أنا معملتش حاجه يا مريم انتي شاطره و ذكيه انا مجرد كنت بشرحلك الحاجه الصعبه بس لكن انتي اللي ذاكرتي و تعبتي لحد ما نجحتي بتفوق
مريم بس انا خاېفه أوي انا بسمع ان الثانويه العامه دي صعبه اوي 
علي احنا قلنا ايه مفيش حاجه صعبه عاللي بيذاكر وبعدين متقلقيش انا معاكي ومش حسيبك لحد ما تاخدي الثانويه العامه بتفوق 
مريم بجد يا علي 
علي طبعا يا مريومه انا مقدرش مكنش جمبك ابدا و اللا انتي مش عارفه غلاوتك عندي 
مريم عارفه يا علي ربنا يخليك لية يارب 
مامت علي شايفه الولاد مندمجين مع بعض ازاي 
زينب ربنا يباركلك فيه ويحميه يارب بحق ما كان بيسيب مذاكرته. و ييجي عشان يشرحلها الحاجات الصعبه عليها
مامت علي و هو انتي مش عارفه غلاوة مريم عنده مانتي عارفه يا زينب و اللا احنا حنضحك على بعض
زينب عارفه طبعا يا ام علي و ربنا يعلم غلاوة علي عندي ايه ده زينة الشباب كلهم وكفايه انه من ريحة الغالي وانا متمناش غيره لمريم و يوم المنى لما هو و مريم يكونوا لبعض
مامت علي ان شاء الله يا زينب يخلص بس علي كليته و نقدمله في البنك و بعدها ان شاء الله نيجي نتقدملها رسمي
زينب ان شاء الله يا حبيبتي
تمر الأيام و تبدأ الدراسه من جديد و تدخل مريم أولى ثانوي و تتعرف على صحاب جداد و تطلب من امها تروح السنتر عشان تاخد دروسها و هو لازم السنتر ده يا مريم متاخدي مجموعه في المدرسه و اللا درس في بيت واحده منكم زي اعدادي 
مريم مينفعش يا ماما ثانوي غير اعدادي مفيش الكلام ده و المدرسين الشاطرين عندهم طلبه كتير اوي مش حيسيبوهم و يروحوا يدوا درس في بيت
زينب و السنتر ده حيكون فيه صبيان و بنات طبعا 
مريم أكيد طبعا يا ماما و بعدين هو انتي مش واثقه فية و اللا إيه 
زينب لاء طبعا واثقه فيكي يا حبيبتي بس مش واثقه في اللي حواليكي و خاېفه عليكي ولاد الحړام مسابوش لولاد الحلال حاجه 
مريم حلال ايه و حرام ايه كلام ايه ده بس يا ماما انا مليش دعوة بحد انا حروح عشان اخد دروسي وبس 
زينب ماشي يا مريم ربنا معاكي يا قلب امك يارب
تبدأ مريم تروح السنتر و تتعرف على بنات وتصاحب اكتر من واحده و دايما علي كان معاها و جمبها مش بيسيبها ابدا و اوقات كتير بيروحلهم البيت يشرحلها الحاجات الصعبه عليها لأنها كانت ضعيفه في الرياضيات يعني مش كفايه علية الجبر و الهندسه بتوع اعدادي كنت ناقصه انا حساب المثلثات دي كمان ياربي
و اللا الفيزياء و الكيميا و
الأحياء يا لهوي 
علي هههههه حتتجنيني يا مريومتي
مريم اعمل ايه بس يا علي مانا خاېفه أوي 
علي خلاص يا ستي ان شاء الله تدخلي أدبي و تريحي نفسك 
مريم ما اكيد طبعا حدخل أدبي انت عارف انا لو دخلت علمي حقضي بقية حياتي كلها في ثانويه عامه 
علي لا وعلى ايه الطيب احسن ادخلي أدبي وخلصينا خليني بقى اعرف اتقدملك و نتخطب
مريم تتقدملي و نتخطب
علي طبعا يا مريم و اللا انتي عندك رأي تاني 
مريم بفرحه رأي تاني لا طبعا بس ماما و بابا 
علي عارفين كل حاجه و موافقين و على ما تخلصي ثانوي حكون انا خلصت الجامعه و نتخطب و بابا حيبنيلي شقه في البيت عندنا و اظبطها و نتجوز و تكملي الكليه في بيتي و احنا مع بعض 
مريم بجد يا علي 
علي أيوة طبعا مانا الصراحه مش حقدر استناكي لما تخلصي انا بحلم باليوم اللي نكون فيه مع بعض يا حبيبة عمري مريم انا من يوم ما وعيت عالدنيا و انا بحبك و كل منايا في الدنيا اننا نكون لبعض
مريم وانا كمان يا علي بحبك و بتمنى نكون لبعض
علي ان شاء الله يا حبيبتي حنكون لبعض ياللا بقى نذاكر حساب المثلثات دي اللي جننتك دي 
مريم هههههه ياللا بينا 
تمر الأيام و الشهور و مريم بتروح مدرستها و السنتر مع زميلاتها و علي بيروح عندهم باستمرار يقعد مع باباها و مامتها و يذاكر معاها اللي يقدر عليه تحت أنظار امها و ابيها صحيح هما عارفين انه ناوي يخطبها خصوصا ان والده كلمه و اتفق معاه انه اول ما يتخرج حيتقدموا بشكل رسمي و هما واثقين جدا من أخلاقه لكن طول تواجده عندهم بيكونوا موجودين
وفيوم قرب نهاية السنه يوصلها علي وهو فطريقه للجامعه للسنتر و اصحابها يشوفوه معاها و يسالوها عنه و هي تقوللهم انه جارها و انهم حيتخطبوا بعد ماتخلص ثانوي لكن ساندي زميلتها تقوللها بقى بزمتك ده شكل واحد تحبيه يا مريم 
مريم ليه يا ساندي بتقولي كده 
ساندي انتي مش شايفه الفرق بينكم في الشكل هو فين وانتي فين ده انتي قمر يا بنتي و هو الصراحه مش حلو خالص 
مريم علي بالعكس علي أمور و بعدين الشكل مش كل حاجه المهم الأخلاق و علي مفيش حد فاخلاقه
ساندي طب بلاش الشكل يا ستي عشان متزعليش و الأخلاق حلو تمام لكن فين المستوى اللي يليق بيكي و بجمالك يا مريم انتي مش حاسه بنفسك و اللا إيه طب ده البنات حيموتوا منك و من جمالك كل حاجه فيكي تجنن شعرك و جسمك و عنيكي انتي يا ماما لازم تبصي لفوق لواحد يطلعك لفوق مش ينزل بيكي لتحت قال علي قال علي مين ده اللي تلاقيه بيكمل عشان نوم يا عبيطه طب ده انتي الوزرا يتمنوا يرتبطوا بيكي ده. و احنا داخلين السنتر و خارجين الولاد بتوع الثانويه العامه بشوفهم و عنيهم حتطلع عليكي و في منهن بقى مستويات ايه مقلكيش
مريم انا مليش دعوه بكل اللي بتقوليه ده يا ساندي انا بحب علي و هو بيحبني 
ساندي و الحب ده حينفعك بإيه ان شاء الله لما تلاقيه مستني مرتب اخر كل شهر و يمدلك ايده بشوية ملاليم لا تعرفي تشتري حاجه نفسك فيها و لا تعرفي تعيشي زي اللي عايشين و تلاقي نفسك مدفونه معاه بالحيا وقتها الحب حيروح و حتكرهي نفسك و تكرهيه و تكرهي حياتك كلها صدقيني يا مريم الفلوس هي أهم حاجه في الدنيا و انتي بجمالك ده تقدري تاخدي اللي يتاقلك بالمال و يركبك العربيات و يسفرك كل شويه فبلد و تبقي هانم مش تروحي تحبيلي واحد حيجريكي ورا الميكروباصات و يوم ما ربنا يكرمه يوديكي مطروح ده اذا حصل يعني مريم انا بحبك و عاوزة مصلحتك يا حبيبتي فوقي يا مريم و شيلي اللي اسمه علي ده من دماغك و فكري في مصلحتك يا عبيطه 
استني بصي بصي 
مريم ابص على ايه 
ساندي شايفه اللي نازل من العربيه ده مريم مين ده وماله 
ساندي يالهوي عليكي يا مريم في حد ميعرفش مين وليد النجار مش شايفه عربيته اللي نازل منها
مريم و
لما هو