غد ر جه يخطبني اتجوز امي

في الموضوع ازاي
نورهان
بكل برود قعدوا قدامي هم الاثنين ولقيتهم وهو اللي اتكلم 
واول مره اشوف امي احس انها مش امي شابه صغيره بتضحك ومبسوطه وهو بيبص لها لكن بيوجه الكلام ليا
طاهر 
وقال لي كل شيء قسمه ونصيب كنت انت البدايه لكن نصيبي كان مع امك احنا لسه جايين من عند الماذون دلوقتي وكتبنا الكتاب والډخله النهارده في نفس اليوم وهاخدها في اي فندق نقعد في يومين
ساعتها بصيت لي هي وقالت لي
نورهان الجواز ما فيهوش عيب وانتم ما كنتوش مخطوبين اصلا علشان حد يقول ان انا خدته منك احنا حبينا بعض في الفطره الصغيره دي وحاسه ان هو الراجل الوحيد اللي حبيته في حياتي انت لسه صغيره هتلاقي غيره اكيد لكن طاهر ملا عليا دنيتي
سهير
مش عارفه اقول لك ايه نورهان اقول لك انا فرحانه لاختي ولا ازعل للطريقه اللي اختي
نورهان
صډمه ايه خالتي ما كانتش صډمه دي كانت سکينه كبيره امي حطت فيها سم وضړبتها في نص ظهري علشان ما تقوميش قومه بعد كده ايوه عشان تتاكد ان ايه خلاص مش هقوم انا خلاص ما بقاش عندي ثقه في نفسي ولا عمري هحب تاني 
سهير
العمر طويل قدامك يا حبيبتي
نورهان
عمري ايه يا خالتي انا خلاص زي ما قلت لك ما عنديش ثقه في اي راجل ومش قادره اكلم اصحابي ولا صاحباتي اللي عارفين ان طاهر كان جاي يخطبني انا راح متجوز امي
لكن انا عارفه اللي يفرق ما بيني وما بينه وده رايي ان ديني هو الاسلام لكن هو بيعبد كل الستات ده تفكيري والا ما كانش اتجوز ولا حتى حب غيري ايا ما كانت سواء امي او مش امي بالنسبه له هو غدر بيا 
وهي كمان غدرت بيا الغدر في الحالتين واحد او نتيجتهم واحده انهم كسروني هو غدار لانه حب غيري وما اقدرش الحب الكبير اللي جوه قلبي ما اقدرش ان واحده ممكن تعيش العمر كله ما تفكرش غير فيه فيه يعني شخصيته هو مش في حاجه ثانيه
وهي غدرت بيها يا خالتي بالسکينه مسمومه لانها امي اللي مفروض تزعل لزعلي وتفرح لفرحي شوف القطه بتعامل عيالها ازاي هو انت تقدري تتجوزي خطيب بنتك
سهير
يا لهوي لا طبعا يا بنتي استغفر الله ولا حتى افكر ابص له بصه كده ولا كده مش عارفه اقول لك ايه غير ان ده نصيب ارمي توكلك على الله يا حبيبتي ما لناش غيره لفينا وحبينا واتجوزنا وما لناش غير ربنا ما حدش هيطبطب عليك
غير ايدك يا بنتي الدمعه اللي بتنزل من عينك ايدك دي هترفعيها وتمسحي بيها دموعك علشان كده خديها نصيحه مني عيشي يا حبيبتي لنفسك اتعاملي مع الناس بما يرضي الله اه لكن عيشي لنفسك
نورهان
هعيش لنفسي يا خالتي لكن مش عايزه اشوف سومه تاني بعد كده بفكر اروح اي مدينه تانيه ابتدي فيها واقول لهم ان امي ماټت ايوه امي ماټت وعمري ما هسامحها ماټت في اليوم اللي فكرت فيه ان هي ټخطف مني حبيبي.
تمت 
اسكريبت غدر بقلم
نرمين همام