غد ر جه يخطبني اتجوز امي

وهي خارجه من المطبخ وجايه ناحيته وقفت على باب الاوضه وهي بتضحك له
وفي نفس الوقت طاهر قاعد مع سومه وهو بيقول لها
طاهر
اليوم ده يا سومه حسيت ان كل حاجه اختفت من قدامي بنتك والعفش ما شفتش غير ضحكتك ووشك على فكره اللي يشوفك ما يقولش ان هي بنتك يقول ان هي اختك انتوا نفس الطول وانت احلى منها 100 مره وكيرفي كده وجميله
السومه بتضحك وهي قاعده جنبه وحاطه راسها على كتفه
انا كمان مش عارفه ايه اللي حصل اول ما شفتك او بالاصح لما شفت نظره عينك ليا الكيكه يوميها كانت هتقع من ايدي ما عرفتش ايه اللي حصل وتكعبلت لكن ربنا ستر
طاهر بيضحك
لحقتك ومسكت الطبق اللي فيه الكيكه قبل ما يقع وبنتك سندتك
سوما
على فكره انت مش مضطر تقول لي بنتك ما تقول نورهان
طاهر
صدقيني لو قلت لك مش عارف انطق اسمها ومش شايفها غير بنتك
سوما
خاېفه من الناس اللي هتقول ان هي خطفت خطيب بنتها واتجوز
طاهر
الحب ما فيهوش خوف وانا ما عملتش حاجه وحشه انا اتجوزتك اي نعم امي كانت رافضه واقنعتها قالت لي هتقعد معاها سنه 2 او 3 وهتطلقها
سوما
هتطلقني بجد يا طاهر ما انت هيجي وقت هتكبر فيه والزمن مش هيقف عندي وهكبر انا كمان ساعتها هتبص عليا وتلاقيني عجوزه جنبك انت قد بنتي بنتي اللي انا خلفتها وانا عندي 18 سنه شفت بقى فرق السن قد ايه
طاهر
مش عايزك تبصي لي الموضوع كده خلينا نعيش اللحظه بلحظتها وما نفكرش ونقول الايام السوداء جايه لا نسيبها على ربنا
سومه
مش عارفه ازاي بس امك سابت البلد وراحت قعدت عند خالك في بلدها وانت بتقف في المحل بتاع ابوك وبنتي سابت البيت هنا وراحت قعدت عند خالتها وانا قدمت على اجازه من شغلي علشان افضلك
اسكريبت غدر بقلم نرمين همام
طاهر
حبيبتي انا زي ما قلت لك انا هشيل البيت المعاش بتاع ابو نورهان انقطع علشان اتجوزتي وسبتي شغلك علشاني يبقى انا اللي ملزم بيكي والحمد لله احنا مش محتاجين حاجه ايوه امي عملت فيا مقلب ورجعت الشقه لصاحب البيت علشان تجبرني ابيع محل ابويا واروح وراها البلد واتجوز بنت خالي
سومه
عندها حق
طاهر
حتى لو عندها حق لكن حقها ده مش هيريحني مش هيخليني اقعد وانا مبسوط جنب الست اللي بحبها يمكن بسال نفسي انا شفت فيك ايه لكن انا شفت فيك كل حاجه لو اقول لك انا شفت فيك الجنه اللي ماشيه على الارض تستغربي
في نفس الوقت في بيت خالتها
نورهان
شفتي بقى يا خالتي شفتي حبيبي اللي اول ما شاف امي سابني فضلوا يتكلموا يوميها ويضحكوا كنت قاعده مستغربه ده ما جابش سيره الخطوبه على لسانه وبعد
ما مشى كلمته في التليفون وقلت له ايه حكايتك يا طاهر ما كلمتش ماما في الخطوبه
تصدقي قال لي ايه يا خالتي
قال لك ايه يا حبيبتي
قال لي نورهان احنا قضينا مع بعض ايام حلوه والحمد لله انا ما حصلش بينا جواز والا اللي انا بفكر فيه دلوقتي كان يبقى حرام ساعتها استغربت وايه اللي دخل الحړام في كده في جوازنا يعني
سهير
هو كان كلمها ولا ايه
نورهان
لا ما كانش كلمها هو قال لي كده وانا استغربت وقفل السكه بعديها لقيت ماما متغيره كل يوم بتتغير يعني اليوم اللي قبله لغايه ما جت في يوم دخلت عليا وكان هو معاها ساعتها فرحت وقلت على طول في عقلي ماما كانت شايفاني زعلانه وراحت كلمت طاهر وعقلته
سهير
وهي فتحتك