المصلحه

ملامحه قريبة منها وسامته وملامحه الرجولية خطڤتها في عالم تاني يزيد المهدي ومن اول مااسمه تقال قدامها وهو خطڤ عقلها قبل قلبها ولما شافته قدامها خطڤ قلبها صوته بيأسرها مشاعر الدفا والسعادة بتملى قلبها هو شافها سرحانه بتتامله ببراءة ابتسم بحب .
يزيد انتي مراتي
فيروز بلخبطة وتوهان ردت بهمس عارفة
.....
قاطع دخول ملك يزيد لف ليها انتي فتحتي الباب ازاي .
ملك رفعت نفسها عميت كدا وفتحته.. عملت كدا وفتحته..
يزيد شاطرة..
ملك مامي رايحة فين!..
فيروز بخجل رايحة البس هدومي.
يزيد تعالي يا لوكة ننام لغاية ما مامي تلبس هدومها..

فيروز طمنت قلبها ان ملك هتنام معاها
تاني يوم...
فيروز قامت على في وشها فتحت عينها وهي بتبسم بتحسب ان ملك 
يزيد بتتصرفي تصرفات بتخليني اشك فيكي انتي قافلة عينك كدا ليه!.
فيروز فتحت عينها بسرعة يعني ايه بتشك فيا!..
يزيد مش عارف يا فيروز انت محسساني اني غريب عنك انتي زي ما....
فيروز قاطعت كلامه بدلع مصطنع ودا كان باين عليها ليه كدا يا يزيدو بتشك فيا اخص عليك.
بعد عنها ورفع حواجبه واتكلم بتهكم يزيدو!!! انتي بتدلعيني كدا ليه دلعك ماسخ.
فيروز پصدمة انا دلعي ماسخ!! ماشي يا يزيد.
يزيد بلامبالاة ماشي ماشي قومي يلا غيري هدومك علشان هاتروحي معايا الشركة.
فيروز بسرعة ليه !..
يزيد هاتروحي معايا اول مرة اروح هناك بعد الحاډثة ومش عارف فيها حد وحاسس اني تايه ووجودك جنبي بيطمني فعاوزك معايا وكمان علشان بعدها نروح لدكتورة نطمن على البيبي.
فيروز بارتباك ها! طيب هاقوم اجهز ملك.
يزيد باستغراب وملك تعمل معانا ايه! ملك صغيرة وهناك اكيد جو وعالم تاني وانا اخاڤ عليها وبعدين بقولك عاوزك جنبي اهتمامك كله ليا تقويني.
فيروز اصلها عمرها ما بعدت عني.
يزيد هو احنا هانسيبها في الشارع معاها الخدم كلهم تحت امرها والحراسه برة وكمان هي حبت سناء الخادمة جدا وانا نبهت عليها تكون معاها في كل خطوة متقلقيش دي بنتي قبل ما تكون بنتك.
فيروز هزت راسها وقامت لبست
مع تنبيهات يزيد بعدم اللبس المفتوح فالبست بنطلون جينز وعليه بروزة من اللي اللون النبيتي وجزمه من نفس لون البلوزة

وفردت شعرها ودا عطاها منظر خلاب بيسحر القلوب في ثواني نزلت تحت سمعت يزيد وهو بينبه عليهم انهم ياخدو بالهم من ملك كويس سمع خطواتها نازلة من على السلم رفع عينه ليها شافها انيقة مرتبة لبسها مع شعرها ولون بشرتها دقق في كل تفصيلة فيها ابتسم تلقائيا سلمت على ملك ومشيت معاه قعدت جنبه في العربية لقته ملامحه جامدة وتقريبا مكشر ميلت عليه وهمست بصوت واطي علشان السواق..
فيروز بهمس يزيد مالك!.
هو بصلها ثواني وبعدها اتكلم بحزن مش عارف كل ما اجاي العربية احس بحاجة بتقبض قلبي ياترى كان احساسي ايه وانا بعمل الحاډثة كنت خاېف طب كنت خاېف على مين عليكو ياترى انا من قبل ما افقد الذاكرة
ولا كنت بعمل ايه طب كنت وحش ولا حلو كنت طيب ولا ظالم مش عارف احساسي ايه بس انا قلبي بيتقبض لما بركب اي عربية يمكن علشان هي السبب في اللي حصلي.
فيروز ردت بتلقائية ومن غير ماترتب الكلام اكيد كنت كويس وطيب انت ابعد ما يكون عن الشړ قلبك بيتقبض طبيعي علشان دي حاجة بتمر بيها او مريت بيها قبل كدا وسببت اذى ليك نفسي معلش يا يزيد دا كله هايعدى .
يزيد بحزن نفسي الذاكرة ترجعلي اوي يا فيروز نفسي افتكر حياتي قبل ما افقدها .
فيروز حست بالذنب لانها وافقت تعمل فيه كدا وحست انه شخص طيب اكتفت انها ربتت على ايده براحة وسكتت..
وصلوا الشركة ونزلت معاه وكان في انتظاره استاذ عبد الحميد رئيس التتفيذي لشركات الغامري..
عبد الحميد اهلا يا يزيد بيه نورت شركتك.
يزيد بص للشركة من برا و تأملها اهلا بيك.
عبد الحميد بص لفيروز باستفهام ويزيد اتكلم بخشونة دي فيروز المهدي مراتي.
عبد الحميد بارتباك بس انت مكنتش متجوز.
يزيد مش وقته يا استاذ عبد الحميد خدني يالا على المكتب .
عبد الحميد اخده وطول الطريق للمكتب وهو بيلاحظ نظرات الموظفين له ولفيروز وصل مكتبه في اخر دور وعبد الحميد شاور على مكتبه وسابه يجمع بقية الاقسام لقي سكرتيرة جميلة جدا في انتظاره اول ما هي جريت حمد لله على سلامتك يا حبيبي.
يزيد بعد عنها انتي مين !..
نهله بمكر وبكاء مصطنع انا سكرتيرك الخاصة.
هنا فيروز الغيظ ملاها ولما انتي سكرتيرة ازاي كدا.
نهله وانتي مالك! وانتي مين اصلا!.
فيروز پغضب انا مراته يا حبيبتي.
نهله بصت ليزيد مين دي وازاي تبقى مراتك! انت مش متجوز اوعى تكون ضحكت عليك وانت فاقد الذاكرة.
يزيد بعدها عن طريقه واخد فيروز وراه بدون ولا كلمة ودخل وقفل الباب في وشها.
فيروز سابت ايده وقفت في نص الاوضة ووشها احمر من الڠضب وبتهز رجليها بعصبية لف بصلها..
يزيد في ايه..
فيروز بصوت عالي نسبيا في ايه انت!.
يزيد بصلها بغيظ واتكلمت بعصبية وعيونها لمعت بالدموع ودي عادة فيها لما بتتكلم بعصبية مفرطة...
فيروز ازاي تسمحلها تكلمك كدا ازاي تسمحلها بالشكل دا اه السكرتيرة وصافي الله اعلم مين تاني.
فيروز مكنتش عارفة تبرر سبب عصبيتها الزايدة هو اكتفى بالصمت وراح على مكتبه وسكت وقعد بهدوء فتح الاب توب ولقاه ورد سالها ..
يزيد الباس ورد بتاع الاب برقم ايه!.
فيروز قعدت بعيد عنه واتكلمت بعصبية مش عارفةو.
يزيد طب عيد ميلادك ايه !..
فيروز بعصبية ١١٥١٩٩٣ ليه!.
يزيد جرب مفيش فايدة ....
يزيد طب عيد ميلادي اي!..
فيروز بعصبية من برودة مش عارفة.
يزيد بتحذير وصرامة فيروزززز.
رفعت وشها وبصتله والدموع اتجمعت في عينها وسكتت..دخل عبد الحميد ودا انقذها من الورطة اللي هي فيها.
يزيد عبد الحميد انا مش عارف افتح الاب دا .
عبد الحميد كان بباس ورد ياباشا وانت بس اللي عارفه.
يزيد طيب ايه انا كدا تمام مش هاعرف افتحه.
عبد الحميد مش عارف والله اصل الاب دا عليه كل حياتك وانت تقريبا كنت عامله نظام حماية بس انت دايما كنت بتكتب حاجة في نوتة كدا صغيرة ممكن تكون كتبت فيها الباس ورد.
يزيد طب فين هي !..
عبد الحميد شاور على خزنة في الخزنة دي والمفتاح بردوا معاك ومبتعرفش حد مكانه نهائي وهي بردوا ليها نظام حماية.
يزيد بتهكم انا حياتي كلها حماية واسرار مشاء الله.
فيروز رفعت وشها وبصتله بضيق والدموع اتجمعت في عينها مرة تانية وقامت مشيت عند الباب..
يزيد بحدة خفيفة فيروز رايحة فين!..
فيروز ببحة غريبة وبتحاول تكتم دموعها وردت وهي مدياله ضهرها رايحة التواليت عن اذنكوا.
وخرجت قبل ما يرد عليها ملقتش السكرتيرة حمدت ربنا لانها كانت هاتمسك في خڼاقها اكيد فضلت تدور لغاية ما وصلت على الحمام ودخلت وبكت كتير وفاجأة بصت لنفسها في المراية ...
فيروز انا ليه بتعصب بسرعة كدا دا مش من طبعي طب ليه زعلانة ان البت دي دا انا لسه شايفه من يومين ازعل ليه وهي لعبة مصلحة هاقضيها وامشي احبه ليه واعجب بيه واكسر قلبي
فوقي يافيروز انتي ما صدقتي تلاقي حد حنين عليكي فوقي.
في مكان تاني بالشركة .
عمر بمكر يالا اعملي اللي بقولك عليه ادخلي

دلوقتي ونفذيه بالحرف.
نهله من عنيا بس لو رجعتله الذاكرة هاينفخني دا كان راسملي خط متعدهوش لما بډخله المكتب.
عمر هو مش فقد الذاكرة عيشي براحتك واعملي اللي نفسك فيه!.وسيبك من الخط.
نهله اوك سلام بقا علشان ادخله...
نهله راحت ودخلت عليه وملقتش فيروز ابتسمت بمكر بدلع وقعدت على المكتب 
نهله ايه يا حبيبي انت مش فاكرنا .
يزيد حبيبك!..
نهله قامت وقعدت على حجره واتكلمت برقة اه طبعا حبيبي وروحي وعقلي وجوزي كمان.
يزيد جوزك!..
نهله اه كنا متجوزين في السر ولينا شقة كمان.
يزيد پصدمة شقة ..
نهله الباب اتفتح مرة واحدة بصوا هما الاتنين لقوا فيروز في وشهم وكأن يزيد دا حقها..فيروز فضلت واقفة ثواني وبعدها بكل هدوء اخدت شنطتها ومشيت ...
يزيد قام بسرعة ووقع نهله منعها انها تمشي
فيروز لو سمحت سيب ايدي..
يزيد وبخفوت انتي مش فاكرة قولتلك ايه في العربية انا تايهه ومش عارف حاجة افتكري يا فيروز.
فيروز پبكاء بس انت خڼتني.
يزيد هي اللي عملت كده وفاجئتني بكدا.
فيروز پبكاء طفولي اطردها برا .
يزيد لف ليها واتكلم بحدة اتفضلي اطلعي برا..
نهله يزيد انا..
يزيدة بحدة اكتر بقولك برررا ..
نهله طلعت وبعدها سالي دخلت هي وعامر الاتنين بصوا على فيروز باستفهام..
يزيد سوء تفاهم تعال يا عامر انا مستنيك انت وسالي من زمان في حاجات في الشغل اللي بعتهولي على البيت مش فاهم فيه حاجة .
سالي طيب روح معاه يا عامر وانا هاسلم على فيروز القمر واجيلكو.
وبالفعل عامر راح مع يزيد على مكتبه واتكلمو في الشغل وسالي اخدت فيروز وقعدوا بعيد...
سالي بهمس في ايه مالك!..
فيروز مفيش لا فيه بقى السكرتيرة الهانم اول ما شافته كانه مثلا جوزها وبتقوله حبيبي ..
سالي بخفوت مين دي نهله عملت كدا.
فيروز بغيظ اه هو كان على علاقة بيها !.
سالي ابتسمت بمكر شايفة الخط الصغير المرسوم هناك دا في الارض اللي لونه بني.
فيروز عينها راحت عليه بسرعة اه ماله.
سالي يزيد كان راسمه ليها ولاي حد في الشركة حتى احنا يعديه محدش يقدر يعدي الخط دا ولو حد دخل وقال عاوز اتكلم معاك كلمتين وقال كلمة تالتة كان بيرفده على طول انتي معشرتيش يزيد في جبروته مش هاتستحميله طبعه صعب وشخصيته قوية جدا وعليه دماغ زي الديب متتوقعيش ردة فعله فيروز انتي لازم تكوني اسرع في حكاية الارض وتنفدي برجلك منه لان لو بس رجعلته الذاكرة وشافك مش هايرحمك..
وكأن تهديدات سالي مش فارقة مع فيروز وكل اللي شاغل بالها طب هو ليه علاقة مع صافي!..
سالي صافي لا طبعا اولا صافي متجوزة ثانيا بقولك راسم خط نقف عليه هايسمح لصافي كدا.
فيروز بضيق امال انتي بتقولي معروف بعلاقاته النسائية.
سالي بقولك دماغه كانت زي الديب لو عاوز حاجة في الدولة ومش عارف ياخدها بيجيب هدايا لمرات المسؤول بس علاقاته مش بتتعدا الغزل اكتر من كدا متلاقيهوش بس هو ولا كان بتاع سهرات ولا يجيب بنات البيت ولا دا كله انتي اول واحدة تدخلي اوضته علاقاته النسائية بتتلخص في شغله برا شغله مبيعرفش حد .
فيروز هزت راسها وسكتت وسرحت ناحية يزيد ولكنها فاقت على صوت سالي الحاد الخاڤت انتي بتبصي فين ركزي معايا بسرعة ايه جابك هنا! .
فيروز هو اللي جابني حاسس انه تايه ومش فاهم حاجة وعاوز ياخدني لدكتورة يطمن على الجنين انا مړعوپة.
سالي بړعب ايه يالهوي لا دكتورة تتكشفي .
فيروز ايه العمل !!.
سالي سكتت وفكرت شوية وبعدها جتلها فكرة جهنمية ودا هايعجل من الخطة بصي انتي هااتقوليله انك عاوزة تروحي الارض لانك