رواية الكاتبة أميرة رمضان

اسدال عشان اصلي 
طب وهي القبله فين بظبط استغفر الله العظيم اطلع اساله ولا اصلي وخلاص ولا اعمل اي
خدت نفس عميق وطلعت عشان اسالو وكنت مستغربه تالين مجتش ليه لدلوقتي 
بقولك اي
كان قاعد بيشرب سجاير وبصلي بطرف عينه
عايزه اصلي ومش عارفه القبله فين
ليل ايوا يعني عايزه اي
وانا هعوز منك اي يعني قولي القبله فين
ليل معرفش
رديت پصدمه اااااي متعرفش قبله الصلاه في بيتك انت مبتصليش في البيت خالص
ليل ببرود مين قالك كده انا مابصليش اصلا
ومالك بتقولها وانت فخور بنفسك كده ليه هتدخل الڼار ي منيل
ليل انا منيل
هو كل ده اللي فرق معاك لا حوله ولا قوه الا بالله هو فيه كده طب انا هعمل اي دلوقتي مشيت من قدامه
ليل رايحه فين
رايحه اشوف حد يعرف ربنا في البيت ده
بقلمياميرهرمضان
بعد شويه وقفت قدام اوضه مدام كريمه خبطت عليها وفتحت
كريمه اي ي عروسه
اسفه اني صحيتك بس كنت عايزه اعرف قبلة الصلاه
كريمه حبيبتي ربنا يباركلك القبله كده وشاورت علي الاتجاه
تسلميلي هو انتي مشوفتيش تالين
كريمه نايمه معايا اهي
نامت وانا اللي كنت بعتاها تنادي عليك
كريمه بضحك ماهي جتلي فعلا بس انا فكرتكم بعتوها عشان يحلالكم الجو
قولت بسخريه لاء هو الجو حلو اوي من غير حاجه هاتيها
خدتها وطلعت الاوضه نيمتها علي السرير ورجعت اخدت ايان كان نايم علي الكنبه بس ليل شافني وخدو مني طلعه فوق
ماشي شكرا تصبح علي خير بقا عشان عايزين ننام
ليل هتنامي فين
هنام هنا
ليل ده عندهااااا
انت بتردهالي يعني
ليل من غير كلام كتير يلا قدامي
لاء قولت هنام هنا
ليل بعصبيه انتي عايزه اللي في البيت يقولو عليا سوسن
عادي مش هتفرق كتير
ليل پغضب اااي
جريت بسرعه علي الاوضه بتاعته وقبل ميدخل بدءت صلاه
ليل ماااااشي بتهررربي
شويه دخل الحمام ياخد دش وانا خلصت صلاه وبطبق سجادة الصلاة تلفونه نور كان رقم بيرن بس عامله صامت 
مردتش عليه ظبطت الطرحه في المرايا و لقيت رساله اتبعتت وطبعا زي زي اي زوجه مصريه فتحتها
كانت مكتوب فيها
رد عليا ي قلبي انا محتجالك اوووي
قلب مين جتك كسر قلبككككك الرقم رن تاني فتحت 
البنت الو
رديت عليها بغل انتي ميين
البنت انتي اللي مين انا عايزه ليل
ليلتك سوده علي دماغ اهلك انهارده عايزه اي
البنت باستغراب انتي مين
انا مراته ي غندوره
البنت اتضايقت اووي وقالت وانا بقا جاسمن مراته الاولي واول حب في حياته
عرفنا انك طليقته بترني دلوقتي ليه ي بارده انتي مش عارفه اننا عرسان وانهارده ليله فرحنا حد يرن في الوقت ده
جاسمن پحقد انا حبيبته الاولي وانتي مستحيل تاخدي مكاني
استفزيتها اكتر مكان مين اللي اخده ليل قلبه كله ملكي انا لا فيه مكان ليكي ولا لغيرك وسلام بقا ي ست جاكسون عشان جوزي عايزني ومش فاضين
وضحكت بمياصه وقفلت في وشها التلفون وبلف وشي لقيت ليل قاعد يسمعني وانا بتكلم 
اټصدمتا ا ان انت هنا من ايمتي 
اان انت هنا من ايمتي 
ليل بغمزه من اول احنا عرسان وانهارده ليله فرحنا
اتكسفت بس توهت الموضوع وهي بترن عليك لييه بقا هو مش حضرتك طلقتها وبقيت راجل متجوز دلوقتي اي بقا الشغل ده
ليل اسميها غيره ولا تحقيق
لا غيره ولا تحقيق انا هتخمد ومش عايزه حد يصحيني
ليل هو انتي مش واخده بالك ان انهارده فرحنا ولا اي
لاء مش واخده بالي واحمد ربنا اني هنام معاك في نفس الاوضه عشان محدش يقول عليك سوسن
ليل پغضب مين ده اللي سوسن
اي ده مش انت اللي لسه قايل من شويه
ليل محبش يضغط عليها ماشي نامي
انت روح نام علي الكنبه عشان هنام علي السرير
ليل امممم طب بصي بقا عشان نبقا علي نور ده سريري ودي اوضتي وانتي بقيتي شريكتي فيهم دلوقتي يعني ليكي زيك زي بظبط والسرير ده لينا احنا الاتنين عايزه تنامي جنبي اهلا وسهلا مش عايزه الكنبه هناك اهي نامي براحتك
تصبحي علي خير ورقد علي السرير 
اه يابن ال
ليل بتقولي اااااي
وانت من اهلووو
ونمت علي الكنبه وانا جوايا مليون شعور مختلف وفجاء النور اتقفل 
ي مامااااااا افتح افتح النور بسرررررعه
ليل اتخض وفتح النور بسرعه في ااااي
رديت بعصبيه انت قفلت النور لييه
ليل نعم ! عشان هنام انا مبعرفش انام وفي نور شغال
وانا مش بعرف انا والنور مطفي
ليل يحلااااوه طب والحل اي
بقا دلوقتي
رديت باستفزاز هو مش إحنا شركاء في كل حاجه في الاوضه انا هشغل الاباجوره دي وانتي اطفي التانيه
ليل بصلي پغضب
قولت ببرود عدل ربنااا
نام وهو متعصب وحط المخده علي وشه وانا ضحكت عليه عشان عصبيته ونمت انا كمان
جاسمن كانت قاعده متضايقه من كلام حنين وتليفونها رن
سالي يلا ي بنتي انا مستنياك قدام البيت
جاسمن طالعه
طلعت وركبت معاها العربيه 
سالي اي ي جاسي مالك
جاسمن مكنتش متخيله انه بيتكلم بجد وانه فعلا اتجوز
سالي امممم ي بنتي انسيي بقاااا وخليكي في حياتك هشام كلمني وعايز يرجعلك
جاسمن لاء مش عايزاه ولا عايزه اسمع سيرته ده واطي كان متجوز عليا بس مخبي ولما كشفته انكر الكداااب انا زهقت منهم كللللهم
بس كله كوم وليل ده كوم تاني وهرجعو ليا يعني هرجعو
سالي فكك ي قلبي احنا عايزين نسهر عشان ننسي الهموم دي يلا عشان هنخربها 
جاسمن يلاااااا
وطلعو علي اماكن محرمه وشربو فيها من محرمات الله
وقت الفجر جاسمن رجعت البيت مش في وعيها اوي
جاسمندادااااا
الداده سندتها وطلعتها اوضتها ونزلت
عزت جاسي جات
الداده ايوا ي بيه وطلعت اوضتها
عزت پغضب انا مش عارف هتفوق ايمتي لشغل هتفضل مستهتره كددده انا لازم اعاقبها واسحب منها مفاتيح العربيه يومين عشان تركز في الشغل لاء راجل اوووي 
بقلمياميرهرمضان
سمعت صوت اذان الفجر صحيت كلعاده اتوضيت وصليت ودعيت ربنا كتير اوووي انه يصلح حالي وينور بصيرتي ويقويني
خلصت صلاه وكان ليل نايم طلعت اشوف العيال
فتحت الباب كان ايان صاحي قلقت ليكون فيه حاجه
ايااان حبيبي صاحي ليه مالك
ابتسم لما شافني تعالي ي ميس
انت تعبان
ايان لاء انا بصحي كل يوم كده
اه طب بتعمل اي
ايان مش بعمل بفضل صاحي كده وقاعد لحد مروح الحضانه
راجل شاطر زيك بيصحي في الوقت ده مش بتصلي ليه
ايان باستغراب اصلي !
اه نسيت اني في تل ابيب متعرفوش حاجه عن الصلاه طب اي رايك نصلي مع بعض
ايان انا ساعات كنت بشوف الناس بتصلي في التلفزيون فعارف يعني اي صلاه
احنا بقا هنصلي زيهم اي رايك نصحي تالين تصلي معانا
ايان ماشي تالين صحت 
يلا ي لولو قومي صلي معانا عشان الشاطر اللي هيصلي علطول انا هعمله كل حاجه نفسه فيها
ايان وتالين كل حاجه كل حاجه 
اه فرحو اوي وعلمتهم يتوضو ازاي ويصلو ازاي مع العلم هما حافظين في الحضانه بعض السور القرانيه الصغيره
سوسن قوم ي ميلت بختي الساعه داخله علي 10
سيد في اي ي وليه سيبيني انام
سوسن لاء بقواك اي انا معرفتش انام طول الليل من اللي بنت اخوك عملته فينا بقا تقطع الشيك في وشنا اشوفها متقطعه علي الطريق
سيد طب والله ما هخليها تطول حاجه من الارض وهاخد انا كل الورث
سوسن بشړ وهي الارض دي هتاجي اي في اللي هي عايشه فيه دي عايشه في بيت زي القصر وجوزها شريك في الشركه ده غير العربيه والفلوس اللي عندو وفي الاخر تقولي ارض
سيد طب هنعمل اي
سوسن احنا هنفضل نلف وندور حوليهم كتير لحد منكبش شويه من الفلوس اللي عندهم
سيد هتسرقي ي وليه
سوسن سړقتة اااي انا هاخد من قدام عنيها زي مقطعت الشيك قدام عنيناا بس الصبر حلو
ليل نايم وفجاء تالين وايان دخلو بسرعه
باباااااااااا
ليل بخضه في ااااي
انا ضحكت علي شكلو متقلقش مفيش حاجه بس احنا كده هنتاخر
ليل باستغراب هنتاخر علي اي وبعدين اي اللي انتو لابسينه ده
هنتاخر علي صلاه الجمعه انت نسيت ان انهارده الجمعه ولا اي ولابسين اسدال انا وتالين وانت وايان هتلبسو جلبيه
ليل هوانتي شيفاني مقطع السجاده صلاه بقولك مش بركعها وبعدين احنا لسه عرسان جداد نطلع ازاي
اتكلمت بصوت واطي عيب كده العيال جاهزين وفرحانين بيك وعايزين يصلو معاك وانت تقول مش هتروح مش هينفع يلا قوم
وبعدين هو احنا عشان متجوزين مش هنصلي ده حاجه حلوه نبدء بيها حياتنا قوووم بقااااا 
ليل بتحطيني قدام الامر الواقع ماااشي 
قام متعصب وانا جريت من قدامه انا والعيال عشان ميولعش فينا دخل الحمام واحنا استنينا برا 
متفكرش اني هسيبك كده من غير صلاه ان مخلتكش انت من نفسك كده تصلي مبقاش انا
بعد شويه اخد دش ونده عليا 
حنييييييييين
جااااايه
دخلت وكنت واقفه بعيد عشان ميضربنيش خير
اتكلم بضيق بتتوضو ازاي
ماحبتش احرجه واقوله انت مش بتعرف ولا اخلي ايان هو اللي يعرفه عشان ميتحرجش اكتر 
هات موبايلك بس كده
فتحته وجبت عليه فديو تعليم الوضوء 
ليل مش عايز فديو بقولك علميني انتي
طب ماهو الفديو واضح
ليل بنفاذ صبر هتعلميني ولا اروح انام
وقفت جنب الحوض وبدءت اقوله يتوضأ ازاي وخلص وطلعنا من الحمام 
ليل قول روايا الدعاء ده
بصلي باستغراب وانا طنشته وقولت
اشهد ان لا اله الا الله واشهد ان محمد عبده ورسوله اللهم اجعلني من التوابين واجعلني من المتطهرين 
قال ورايا وخلصنا
علفكرا الدعاء ده له فضل كبير جدااجدااا بعد الوضوء ربنا بيتقبل توبتك
بيغفرلك ذنوبك ويجعلك من المتطهرين
ليل كان ساكت بس علامه الرضاء علي وشه
فتح الدولاب وطلع لبس
انت بتعمل اااي
ليل هغير
لاء انت هتلبس الجلبيه دي صلاه جمعه ومعظم الناس بيلبسو كده يلاااا انا هستانك برا
جهزنا ورحنا صلينا وانا فرحانه اووووي اني خليته صلي
رجعنا اتغدينا
ليل بكرا ان شاء الله ماماواختي واصحابي جايين يباركولنا
ليل بعدم اهتمام ياجو براحتهم انا كده كده طول اليوم هكون برا
نعاااام هتروح فين
ليل الشغل
شغل اي احنا لسه عرسان جداد والناس اللي هتاجي دي هقابلهم بطولي لاء طبعا خليك اليومين دول في البيت
ليل لاء انا مش بأجل شغلي عشان اي حاجه انا طالع انام عشان بكرا اليوم هيبقا طويل
مااااشي ي ليل هتشوف هتروح الشغل ازاااي
في الكافيه
نوح كده الشغل هيبقا تمام مستر ليل هياجي بكرا الشركه وهنوثق كل حاجه
مدير الشركه التانيه تمام مستر نوح وانا هبعت ناس متخصصين زي مقولتلك هيتابعو الشغل مع حضرتك
نوح اتفقنا
وكلم ليل عرفه كل حاجه
تاني يوم
ليل صحي ملقيش حنين جنبيه
ليل راحت فين دي علي الصبح
دخل الحمام خد دش وطلع فتح الدولاب اټصدم
اي ده هدومي راحت فييين ي حنيييييييين
حنيييييييييييين
اااااااي بتنادي في غيط عاااايز اي وبصيت عليه استغفر الله العظيم ي اخي استر نفسككك عيب كده
كان لابس شورت وحاطت الفوطه علي كتفه 
ليل پغضب اللبس اللي كان هنا فيييين
طب وانت متضايق كده ليه اللبس في الغساله
ليل بعصبيه نعااااام كل الهدوم غي الغساله !!!!
اي الهدوم كانت عليها تراب قولت اغسلها وبعدين مش حطاهم كلهم مره وحده بس حاطاهم في مايه يتنقعو الاول
ليل بعصبيه اكتر غسلتي كل الهدوووووم
كل الهدوم اي بس يعني هسيبك كده من غير حاجه عندك بنطلون وتيشرت