رواية تعافيت بك مكتملة لجميع فصول بقلم الكاتبة آيات عاطف

انتي عندك کانسر..!
اتكلمت بقوه عكس الي جواياا من ضعف..
_اه ي خالد عندي کانسر دي اراده ربناا..!
وانتي ازاي ي فيروز ما تعرفنيش من البدايه انك تعبانه..!
_كنت متوتره في الاول انك تعرف ي خالد و بعدين ما قولتلك اهوو..!
اتكلم پقسوه اول مره اشوفه بيكلمني بيهاا..!
لا ي فيروز انتي كنتي قاصده انك ما تعرفنيش غير بعد الخطوبه كنتي عايزه تلبسيني ف واحده مريضه زيك..!

اتكلمت بصدمه_انت مچنون ي خالد صح..!ايه الي انت بتقوله ده..!
ايه مش دي الحقيقه ي فيروز هانم..!
من الآخر كده احناا مش هينفع نكمل مع بعض انتي خدعتيني..!
اتكلمت بجمود عكس الخړاب الي جواياا..
قلعت الدبله و ادتهاله..
_اتفضل دبلتك اهي اناا الي ما يشرفنيش اني ارتبط بواحد زيك..!
قولتله كده و سيبته ومشيت ومن هناا سمحت لدموعي انهاا تنزل..
مش حزن عليه لا انماا حزن علي نفسي لأني رجعت لوحدي من تاني لا أهل ولا صحاب ولا حتي حبيب..!
انا أهلي اتوفوا من ٤ سنين في حاډثه عربيه واناا كنت بنتهم الوحيده ساعتهاا كان عندي ١٨ سنه..
ومن ساعتهاا واناا بقيت واناا لوحدي واتأقلمت ع الوضع ده لأن حتي اناا عمري ما كان عندي صحاب قبل كده!
بس كملت دراستي لأني ساعتها كنت لسه هدخل الجامعه ف بقيت بشتغل جمب الدراسه عشان أوفر واجيب لنفسي الي اناا عايزاه و ما احتاجش لحد من قرايبي لأنهم حتي ما كنوش بيسألوا فياا.!
غير أن معاش بابا و ماما كان مكفيني و زيادة الحمدلله بس اناا الي كنت عايزه اشتغل عشان اشغل حياتي بدل ماهي فارغه كده!
تعبت من كتر المشي و قعدت ع الرصيف لان قلبي كنت حاسه انه هيقف من كتر العياط..!
بس بجد اناا كان قلبي واجعني اووي..!
ما فوقتش من افكاري غير ع شاب..
لقيته قعد قدامي ع الرصيف و ربع و فضل يبصلي من غير ما يتكلم لحد ما لقيته بيمدلي ايده بحاجه و بيقولي..
تاخدي شكولاته..!
بصتله باستغراب و ما اتكلمتش بس هو اكلم تاني وقال وهو بيحط الشكولاته ف ايدي..!
صدقيني هتريحك الشكولاته بتخفف الۏجع..!
اتكلمت بحزن.._بس اناا الۏجع الي عندي ما حدش يقدر انه يشفيه..!
اتكلم بأبتسامه اناا استغربتها..
لا في شخصين يقدروا انهم يشفوا الۏجع ده بعد ربناا طبعاا..
اول شخص وهو انتي..
اتكلمت بتساؤل و تاني شخص..!
اتكلم و الابتسامه لسه علي وشه وهو بيقوم من ع الأرض..
تاني شخص ده بقاا هبقاا اعرفك عليه بعدين بس لماا نتقابل تاني..!
اتكلمت باستغراب_بس وانت مين الي قالك اننا هنتقابل تاني..!
اتكلم وهو ماشي و مديني ضهره..
العصفوره الي قالتلي..!
ومشي من قدامي واناا فضلت متابعاه ب عيني لحد ما اختفي واناا مستغربه هل بجد ممكن اشوفه تاني..!
بس قولت لنفسي ان الأيام جايه كتير و هعرف مين الغريب ده الي حتي ما عرفش اسمه..!
الفصل الثاني 
روحت البيت غيرت هدومي ودخلت عشان امسح الميكب الي اناا كنت حاطاه واحناا خارجين انا و خالد..!
دايما كان بيعلق ع طريقه لبسي الي كله مقفل مع اني مش محجبه و ع الميكب الكتير الي كنت بحطه بصراحه..!
بس اناا كنت بقوله ان ده من حبي ف الميكب مش اكتربس ده ماكانش السبب الحقيقي..!
اناا مريضه بهاق..!
اناا عندي بهاق من وانا صغيره بس زمان كنت بحب شكلي ومش بهتم برأي الناس عشان بابا و ماما كانو جمبي وقتهااوبرضو عشان ساعتها البهاق ماكنش باين اوي..!
بس لما كبرت وبقيت ف ثانوي البهاق زاد عندي وانتشر ف جسمي كله مش ف وشي بس.!
ساعتها اناا كنت بتعرض للتنمر من زمايلي ف المدرسه وكانوا بيخافوا يقربوا
مني لاعديهمعشان