اطلعي برا من بيتنا بقلم اسراء ابراهيم عبدالله

الحلقة الأولى
اطلعي برا من بيتنا
هى پصدمة بيتك! دا بيتي أنا وعيالي
هو بصرامة دا في أحلامك هو جوزك كان كتبه باسمكم قبل ما يتوفى لأ يبقى دا بيتنا ومن تعبنا فيلا خدي عيالك وامشي من هنا طول عمرك غريبة عننا
بصتله پصدمة أكتر هتروح فين بعيالها ولا هتجيب ليهم مسكن منين ولا هتصرف عليهم منين ما صدقوا يجوا يطلعونا برا البيت اللي عيشت فيه 25 سنة
هو بعصبية اخلصي بدل ما أطلعك من غير حاجتك دي
وطلع وسابها راح على بيته
كانت مراته مستنياه لما يجي
أول ما دخل لها قالت بسرعة ها عملت إيه عبدو
عبدو قولتلها تطلع منه وهتمشي هى وعيالها أخيرا هنخلص منهم حاجة تزهق

سناء بفرحة كويس أوي كانت مفكرة هتقعد هنا مع عيالها في بيوتنا واحنا اللي نستحقها اومال هنقعد عيالنا فين تروح عند أهلها تسكن عندهم أو تقعد في الشارع بعيالها أهي معها رجالة يا أخويا شايف يوم العزا بتاع أبوهم
كانوا واقفين في ضهر أمهم وهما اللي بيعملوا دا ودا
لكن ابنك الخايب بتاع اللعب مش عايز يبقى زيهم هيفضل عيل مهما كبر حاجة تقرف
عبدو سيبك منه وهاتيلي الغدا عشان أروح أستعجلهم يمشوا من هنا خلينا نخلص من الحوار دا
سناء ماشي ودخلت المطبخ تجيبله الأكل
اتغدى ومشي رجع على مرات أخوه لقت عيالها بيعزلوا حاجتهم وهى واقفة بټعيط راح عندها وقال عندي شرط إني أسيبك تقعدي في البيت ويبقى باسمك كمان
بصتله ناهد بعدم تصديق وقالت إيه هو
ياترى إيه الشرط
يتبع..
الحلقة الثانية
عبدو بمكر إنك تتجوزيني بعد عدتك
بصتله ناهد پصدمة من وقاحته إزاي يفكر فيها كدا فقالت بعصبية أنت اټجننت بتقول كلام قذر
عبدو هو أنا بقولك هتجوزك عرفي دا على سنة الله ورسوله وأهو يبقى في ضهرك راجل وعيالك كمان هبقى عمهم وأبوهم
زعقتله ناهد وشتمته جم عياله على زعيقها وقال واحد منهم في إيه يا ماما وبص لعمه بعصبية
ناهد بعصبية عمك المحترم جاي يطلب إيدي للجواز مقابل إن يسيب لينا البيت يا معتز
معتز پغضب لولا إنك عمي كان زماني امشي من وشي بدل ما أنسى تربيتي وأعلم عليك
كمل أخوه هاني وقال والبيت مش عايزينه خدوه مش عايزين أصلا نشوف وشكم أنت ومراتك
عبدو پغضب أنت إزاي تكلمني كدا ياض منك له نسيتوا نفسكم ولا إيه وبعدين أهي تبقى في عصمة راجل الحق عليا إني عايز مصلحتكم
معتز بسخرية اممم مصلحتنا اها طب يا اللي اسمك عمي روح شوف بيتك وملكش دعوة بينا
بصلهم عبدو بقرف وقال خلاص ساعة أجي مالقيش ليكم أثر هنا وابقوا وروني هتروحوا فين ابقوا باتوا في الشارع ومعكم أمكم
ومشي وسابهم پغضب وهما بيبصوا عليه بقرف
جت عربية كبيرة عشان تاخد العفش وكل حاجة مم البيت وهتروح بيت أهلها أهو صغير بس مش مشكلة
خدوا حاجتهم كلها ومشيوا وهما