رحم

قادرة اقولك اني عايشة. بس قولي انت عرفت ازي وتوفيق يعرف انك عرفت
رعد انا هحكيلك علي كل حاجة.......
مشيرة پغضب. هو الراجل ده ايه شيطان ده العن من الشيطان كمان. ازاي قدر يعمل فيك وفي مراتك كدة.
رعد اهو ربنا شله وقعدوا علي كرسي متحرك. بس ربنا يستر من شره
مشيرة ربنا كبير ومش هيسيبه. يمهل ولا يهمل. وابتسمت بس تعرف. زوقك حلو همس جميلة جدا.

همس اتكسفت. شكرا يا ماما. انا اسفة لو من نفسي كدة قولتلك يا ماما. بس انا حبيتك من قبل ما اشوفك. من كلام رعد عنك
مشيرة لا طبعا اسف ايه. انا ماما مشيرة مافيهاش كلام.
رعد حاوط همس بإيده. وابتسم. همس دي يا ماما هي روحي. حبيبتي اللي جات تعوضني عن حرمان السنين. متعرفيش بحبها قد ايه
مشيرة بفرحة. لا واضح عليك. بس تعرف يا رعد انت بقيت شبه ابوك جدا. اكني

شايفة فادي قصادي
رعد بحزن. لسة فاكراه يا امي
مشيرة بحزن وحرج. عمري ما نسيته ابدا. ابوك اول حب في حياتي. رعد مش عايزك تزعل علشان انا اتجوزت يونس. كان ڠصب عني انت متعرفش. انا شوفت ايام. صعبة ازاي وانا لوحدي ولا ليا اهل ولا ليا حد يونس حبني واتجوزني وحافظ عليا. وصدقني لما تعرفه هتحبه.
رعد بحزن. اكيد يا امي المهم ان انتي سعيدة ومرتاحة معاه. قوليلي انا عرفت ان ليا اخت. هي فين
مشيرة ريما. دي هتفرح اوي لما تعرف انك جيت.
رعدحكتلها عني
مشيرة ابتسمت. بص حاوليك. صورك في كل حته. انت كنت عايش معايا في قلبي عمري ما نسيتك. وريما عارفة كل حاجة وكان نفسها تقابلك.
رعد طيب هي فين
مشيرة هي في مدينة تانية غير هنا قاعدة هناك علشان جامعتها.
رعد بعصبية. لوحدها ازاي
مشيرة
متقلقش. ريما بنت بمېت راجل.
رعد طيب ليه انتي ويونس. مش قاعدين معاها في نفس المدينة.
مشيرة علشان شغل يونس هنا. وهيكون صعب يروح كل يوم ويرجع.
رعد هي في سنة كام.
مشيرةدي اول سنة ليها في الجامعة
رعد امي. انا عايزكم ترجعوا معايا مصر. وريما هدخلها الجامعة الالمانية هناك. ولو علي شغل يونس. انا هساعده ينقله هناك. انا خلاص مش هقدر اعيش منغيرك
مشيرة من غير ما تقول يا حبيبي. انا كمان مش هقدر علي بعدك تاني.
رعد بص علي همس لقي شكلها تعبان. وبقلق مالك يا همس انتي تعبانة
همس بتداري الالم. لا ابدا شوية تعب عادي. متقلقش
مشيرة انتي في الكام دلوقتي
همس يعني لسة داخلة الثامن من اسبوع كدة.
مشيرة بفرحة. انا عايزاكي بقي تقعدي معايا لحد ما تولدي عايزة البيبي ده يجي علي ايدي.
رعد باس ايد مشيرة وابتسم. ان شاء الله انتي اللي هتيجي معانا هناك ويجي علي ايدك.
في الوقت ده رجع يونس. ومصدقش نفسه انه شايف رعد. ودخل وقعد ومشيرة حاكتله كل حاجة. بس كان حاسس. ان رعد مش متقبل فكرة انه زوج امه.
يونس ايه يا مشيرة. مش ناوية تأكلينا ولا ايه.
مشيرة ياخبر. انا من فرحتي برعد ومراته. نسيت اجيب اي حاجة. ثواني والغداء هيكون جاهز
همسانا جاية معاكي يا ماما
رعد حبيبتي. انا قلقان عليكي انتي تعبانة ارتاحي.
همس لا انا كويسة متقلقش.
يونس رعد انا عايزك تفهم. اني كان لازم اتجوز مشيرة. مش لاني بحبها وبس لا. كمان مكنش ينفع اتخلي عنها واسيبها لوحدها. امك ملهاش حد في الدنيا. انا عمري يا رعد ما هاخد مكان فادي عندك ولا حتي عند مشيرة. وعارف انها عمرها ما هتحبني زي ماحبتةفادي. بس انا راضي بأقل حاجة
المهم تكون جنبي واحميها. ياريت تفهمني وتفهمها. وتقدر الظروف اللي اتحطينا فيها زمان
رعد اتنهد. انا مقدرش الومها انها اتجوزتك. بس اكيد الموضوع. هياخد وقت لحد لما اتعود. انا عمري ما شوفت امي مع راجل غير ابويا. علشان كدة مش سهل فجأة القيها متجوزة.
يونس. عارف وحقك خد وقتك براحتك. المهم مش عايز مشيرة تزعل ولا تلوم نفسها. انا اكتر حاجة توجعني اشوفها زعلانة.
رعد ان شاء الله. سيب كل حاجة للأيام. المهم ريما عاملة ايه. انا عايز اشوفها.
يونس انا هكلمها حالا واقولها واخليها تيجي في اقرب وقت. علشان تشوفك انت ومراتك.
مشيرة خرجت. يالا يا رعد يا حبيبي يالا يا يونس. الغدا جاهز. ومشيرة صممت تقعد رعد علي رأس السفرة. وهي علي يمينه وجنبها يونس. وهمس علي شماله.
وقعدوا كلهم يتغدوا.
رعد ابتسم. تسلم ايدك يا امي وباس ايديها.
مشيرة طبطبت عليه. انا لو عليا اعملك كل الاكل وكل الحلويات اللي في الدنيا. ده النهاردة عيد بالنسبة ليا
همس تسلم ايدك يا ماما مشيرة. الاكل يجنن. وشكل رعد هيتعود علي اكلك واكلي مش هيعجبوا بعد كدة
مشيرة هههههههه. لا طبعا انتي حبيبته.
رعد باس ايد همس. حبيبتي انتي اكلك ما يتقاومش. زيك تمام.
همس ابتسمت. ربنا يخليك ليا يا حبيبي.
مشيرة بعد الغدا. تطلعوا ترتاحوا فوق.
رعد لا يا ماما. احنا هنرجع الفندق. وكل يوم هجيلك لحد لما نشوف هترجعي معايا امتي
يونس يا ابني ما يصحش. البيت كبير. وتروح فندق
رعد معلش انا هبقي مرتاح اكتر هناك. المهم بكرة عايز اجي الاقي ريما عايز اشوفها.
مشيرة ان شاء الله هخليها تيجي في اقرب طيارة.
رعدتحبي ابعت حد يجيبها.
مشيرة لا ملوش لزوم. هي متعودة.
وبعد ماخلص الغدا. قعدوا كلهم يتكلموا في كل حاجة ورعد ما كنش عايز يسيب مشيرة. ولا هي كمان وودعتوا بحضن طويل مكنتش عايزة تسيبه. ورجع رعد وهمس الفندق.
في جناح رعد وهمس
همس خرجت من الحمام. وبتنشف شعرها. ورعد قاعد علي السرير وساند ظهره.
رعد ابتسم. مش عارف بصراحة كل لما تخدي حمام بتحلوي. ايه ده. هو في كدة.
همس قربت منه وقعدت جنبه. ههههههههه. حبيبي مزاجوا رايق بعد ما شاف الحب الاول .
رعد ابتسم. وشدها لحضنه ونيمها جنبه. واتنهد. حبيبك مزاجوا بيروق. لما تكون همستي معايا وفي حضڼي
همس بس ماما مشيرة. هي الاساس.
رعد انا منكرش انها وحشتني بمجرد مامشيت وغابت عن

عيني. لكن انتي حاجة تانية. انتي روحي وحبيبتي. انا من بعد امي تعبت كتير بس قدرت اعيش. لكن انتي في بعدك. مكنتش قادر اعيش. حياتي وقفت. مكنتش حاسس لاي حاجة بطعم. وضمھا بحنان اكتر. انتي الهوا يا همس. انتي حياتي
همس ضمته هي كمان وابتسمت بسعادة. انا كل يوم بقول رعد بيحبني حب مفيش زيه بس تاني يوم بلاقي نفسي غلطانة. علشان بلاقيك بتحبني اكتر من اليوم اللي قبله. ااااااه يا رعد.
تعرف. انا نفسي اموت وانا في حضنك.
رعد حط ايده علي شفيفها. ليه بتقولي كدة. مۏت ايه ده اللي يخدك مني. انا اموت عليكي يا همس
همس بتردد. رعد انا حاسة اني مش هقوم من الولادة دي. حاسة اني ھموت وانا بولد.
رعد بعصبية. بس بس اوعي تقولي كدة تاني. انا ممكن اضحي باللي في بطنك لكن انتي لا اوعي يا همس اوعي.
همس مسكت ايده. وبدموع. هتفضل فاكرني ولا هتنساني وتحب من بعدي زي عدي ما نسي حلا وحب هنا.
رعد حضنها بقوة وڠضب. بس بقي. ايه اللي بتقوليه ده احب مين انا عمري ما حبيت قبلك هحب بعدك ازاي. همس وحياتي متجبيش سيرة المۏت دي تاني ابوس ايدك. انا مش متحمل
همس خلاص. هسكت خدني في حضنك عايزة انام.
رعد حاضر يا روحي. وضمھا بهدوء. وملس علي شعرها بحنان. وقلق. هو كمان حاسس انه قلقان عليها وخاېف عليها من الولادة. ودعي ربنا في سره. يحفظها وميحرموش منها ابدا. وناموا كالعادة في حضڼ بعض
وعدي يومين ورعد وهمس بيروحوا. لمشيرة ويقعدوا معاها. لحد لما يونس يقدر ينقل شغله في مصر. وفي يوم كانوا عند مشيرة كالعادة. وكانت ريما جاية في اليوم ده.
قصاد المطار واقفة بنوتة جميلة ملامحها بريئة جدا بشعر مائل للاصفر. وعيون عسلي وبشرة بيضاء. ولابسة جينز وتيشيرت ورافعه شعرها كحكة عشوائية. بس كانت جذابة وجميلة. وقفت تاكسي. وركبت. وهي ماشية بالتاكسي. لاحظت انه مشي من مكان غير اللي هي قالتله عليه.
البنت هاي. انت لماذا اتجهت الي هنا
السائق بمكر. هذا طريق مختصر.
البنت لكن انت لما لم تسألني.
السائق مردش عليها واتجه لشارع ضيق الي حد ما ونزل واتجه ليها في الخلف. وحاول يعتدي عليها.
البنت صړخت وحاولت تبعده وتضربه.
مروان كان معدي بالعربية من امام الشارع ده. ولفت نظره العربية الواقفة وشاف حركة غريبة. لكن اللي قلقه الصړيخ اللي سمعه البنت بتستنجد بأي حد. مروان مترددش ونزل وراح يشوف في ايه لقي الوضع بالشكل ده. فتح الباب وشد السائق ونزل في ضړب لحد لما قطع النفس. واتجه للبنت بقلق.
مروان هل انتي بخير.
البنت پغضب. نعم بخير لولاك كنت قټلت هذا الحقېر.
مروان رفع حاجبه وضحك بسخرية. هههه. حسنا تعالي
البنت نزلت معاه من العربية. ومشيت معاه خطوتين. وبعدين افتكرت شنطتيتها.
اوه. لقد نسيت حقيبتي في سيارة هذا الحقېر.
مروان حسنا انتظري هنا وانا سوف احضرها.
ورجع مروان العربية وجاب شنطيتها.
مروان تعالي معي انا سوف
اوصلك. اللي المكان الذي تريديه.
البنت لا لا شكرا لك. انا سوف اتصرف
مروان لا تخافي مني. انا لست مثل هذا الحقېر.
البنت بتتكلم عربي ظنا منها انه الماني. انا مش خاېفة منك انا خاېفة عليك وانت تجنن كدة
مروان رفع حاجبه وابتسم. انتي بتتكلمي عربي
البنت خبطت راسها بإيدها. مش ممكن انت عربي
مروان هههههه. عربي ومصري كمان.
البنت انا كمان عربية ومصرية. ماما وبابا مصرين. وعايشين هنا.
مروان عايشة هنا من امتي
البنت انا مولودة هنا اصلا
مروان بس بتتكلمي عربي كويس
البنت ده فرمان جمهوري. ماما مبتخليش اي حد يتكلم الماني في البيت. كلنا نتكلم عربي.
مروان دي حاجة كويسة جدا. عموما انا مروان
ريما ريما
مروان كدة بقي لازم اوصلك. ولا هتخافي من ابن بلدك
ريما بخجل. لا طبعا مش خاېفة منك. واضح انك انسان راقي. بخلاف طبعا الضړب اللي ضړبته للحيوان ده. اللي يشوفك يقول عليك ظابط شرطة.
مروان هههههههه. لا بجد انتي مكشوف عنك الحجاب
ريما عقدت حاجبها. يعني ايه
مروان اصل انا فعلا كنت ظابط شرطة.
ريما معقول وليه كنت
مروان ابدا حصلت مشكلة كدة وخرجت من الداخلية.
ريما انا اسفة مكنتش اقصد.
مروان ولا يهمك. تعالي معايا يلا اوصلك بس قوليلي العنوان
ريما. عارفه
مروان اه طبعا انا اصلا رايح نفس الحي ده.
ريمابفرحة بجد. دي فرصة جميلة جدا علشان اعرفك علي بابا وماما.
مروان ابتسم. ده شرف ليا يلا اركبي
وركبت ريما مع مروان. وفضلوا. طول الطريق يتكلمه ويضحكه. واول لما وصله عند بيت مشيرة.
ريما هو ده بيتنا.
مروان پصدمه. انتي ساكنة هنا
ريما ايوة
مروان انتي اسمك ريما ايه
ريما ريما يونس مختار
مروان انتي اخت رعد الحديدي
ريما بإستغراب. انت تعرف رعد اخويا ده انا اول مرة اشوفه النهاردة
مروان انا بشتغل مع رعد بيه اصلا
ريما مش ممكن. بتشتغل معاه ايه.
مروان تقدري تقولي مدير