بين الحقيقة والسراب بقلم فاطيما يوسف

قابلت الموده والرحمه منه بالعصيان وجابت له ساكته قلبيه خليته ماټ بسبب كلامها اللي زي السم اللي كل يوم كانت تقوله له 
وفي الاخر عايزه تتجوز وتاخد ولاد ابني مني وهي كانت السبب في مۏت ابوهم انا مش عايزه منها حاجه تتجوز براحتها وتعيش حياتها براحتها الله يسهل لها ولها رب هو اللي هينتقم منها ويجيب حق ابن اللي ماټ بسببها 

كل اللي انا طالباه ولاد ابني ما اتحرمش منهم مش كفايه ابني اللي ماټ وهي خرجت من بيته تشوف حياتها براحتها وتعيشها ولا كأن جوزها مېت قبل عدته حتى ما تنتهي ودي كانت طبيعه حياتها التسيب .
سالها القاضي
دلوقتي سؤال واحد يا ست تجاوبيني عليه انت دلوقتي بتشككي في اخلاقها انها ما تنفعش تبقى مسؤوله عن اطفال ايه دليلك على كده 
استدعت دموع عينيها التي احضرتها ببراعة وليده اللحظه وقالت
قدامك الدليل يا سياده القاضي ابني اللي ماټ وهو في عز شبابه بسبب كلامها اللي قالته ليه وحړقت قلبه وموتته ناقص عمر 
وسلفتها هنا تشهد عليها باللي سمعته منها وخلته ماټ من الصدمه من كلامها .
اړتعبت هند ما إن ذكر اسمها واصبحت الكوره في ملعبها اما ان تركلها بمهارة ستتعب من أثرها قليلا ثم تستريح أو تحرزها في الأوت ومن بعدها ستلقي ملامات من فريقها وهم قلبها الذي سيحطم بيتها الذي سيهدم عمرها الذي سينتهي غيرة وألما 
فكرت قليلا بعد أن أشار لها القاضي أن تتحدث فقامت بنظرة خالية من أي مشاعر
وأردفت بشهادة حق بعد أن تأكد القاضي من هويتها
الحق يتقال يا سياده القاضي ان ريم طول عمرها محترمه وبنت ناس وعمر العيبه ما صدرت منها ابدا وجوزها كان بيعشقها وهي كمان كانت بتبادلوا نفس العشق والحب وحياتهم كانت مستقره جدا 
والمۏت ياسيادة القاضي ده عمره وقضاء ربنا منقدرش نعترض عليه .
اتسعت أعين الجميع اندهاشا مابين حامدا لربه علي شهادة الحق فكانت تلك الحامدة هي ريم وفي ذاك الوقت نظرت إلي إعتماد نظرة انتصار أحړقتها 
أما زاهر ووالدته في موقف لايحسدون عليه موقف ينظر لهم فيه انها افترت وطعنت في شرف زوجة ولدها وهي بشهادة كنتها عفيفة لاتعرف طريق التسيب كما ذكرت الأخري 
كانت تود أن تنشق الأرض وتبتلعها ولا أن توجد في ذلك المكان لحظة أخري 
تتوعد في داخلها أشد الويلات لتلك الهند
الذي أكمل القاضي أسئلته 
يعني ريم جميل المالكي مرمتش لجوزها كلام يأذي نفسه ووصله للمۏت 
ومكنتش امرأة متسيبة زي ماذكرت والدته 
وتابع القاضي بتحذير
وخلي بالك إنتي حالفة يمين تشهدي بالحق .
أخذت نفسا عميقا وأكملت 
ياسيادة القاضي أنا قلت إللي عندي أنا عاشرتها تمن سنين كانت فيهم مثال الشرف والعفة وعمرها ماكانت متسيبة أو خليعة أبدا 
وأه اتخانقت هي وجوزها ليلة ۏفاته لكن خناقة بين أي راجل ومراته عادي ومۏته ده كان قدره من ربنا .
أغلق القاضي الملف الذي أمامه ناطقا بالحكم وكل من ريم ووالديها يضعون يديهم علي قلوبهم راجين الله حكم العدل 
أما اعتماد تيقنت أنها خسړت معركتها الثانية أمام تلك الريم وازدادت حقدا ووعيدا وكل منهم في ملكوته إلي أن انتهوا إلي كلمة القاضي
حكمت المحكمة حضوريا برفض الدعوة المقدمة من السيدة اعتماد الجمال وصية علي أبناء ولدها لعدم كفاية الأدلة المقدمة لدي عدالة المحكمة رفعت الجلسة .
احتضنها ابيها فرحا ناطقين جميعا
ربنا برأك من التهمة الشنيعة بالظبط زي براءة الذئب من ډم ابن يعقوب مبارك عليكي حبيبتى ولاية أولادك بحكم المحكمة كمان .
أما اعتماد فكانت في حالة يرثي لها وأخذها ولدها وخرجا من القاعة بسرعة رهيبة وتلتهم هند ترتعب خوفا وړعبا من القادم 
ولكن الذي يطمئن روحها ماتستند عليه وتحت قبضتها والتي ستجعلهم لايقتربون إليها وإلا ستقلب عليهم العالم بما في قبضتها .
البارت السابع عشر
بعد المحكمة عانت هند كثيرا ضړبا وسبابا وقڈفا وطردها زاهر من البيت وكما توقعت صديقتها أن حماتها لن تتحمل بناتها أسبوعا وقد كان بعثت لها أخيها وأرجعتها منزلها وهي علي مضض 
اما عن مريم فاليوم سيتحدد مصيرها فقد استطاعوا بفضل المولى سبحانه وتعالى وذكاء نادر ووقوف جميل بجانبها ان يترصدوا لتلك الشبكه التي ستؤذي بمستقبل الفتايات اللائي لاعلم ولا دراية بهؤلاء الخبيثون وبفضل الله تم القبض عليها وبجهود النيابة استطاعت أن تجعلها تعترف عليهم بسهولة ووقع الفئران في مصيدة العدالة 
وحقا كم كانت رحلة مؤلمة لمريم حيث انها كانت معركة شنيعة بين الحق والباطل وبفضل ايمانها بربها وعدم خضوعها لمسالك الشيطان استطاعت أن تنقذ 
ومرت الأيام عليها وظهرت نتيجتها والتي كانت مبهرة لها حيث نجحت بتقدير الامتياز المعتاد لها ولكن هذه السنة كانت الأولى على دفعتها 
انهالت المباركات عليها من الجميع حتى فريدة التي سعدت من داخلها بأنها حتما ستغادر وتترك لهم المنزل وتبتعد عن ابنها ولكن
ما افسد عليها سعادتها قول رحيم بعيون سعيدة
مبروك يا دكتورة مريم بقيتي معيدة في الجامعة فهمي رسمي نظمي وما بقاش في حد احسن من التاني وكلنا بقينا في الهوا سوا .
فهمت فريدة مقصده ولكنها لم تعقب عليه وادعت انها لم تاخذ بالها من تلك الكلمات 
فتحدث جميل قائلا بنصح وهو يشير بيديه إلي رحيم
شوفي يا مريم يا بنتي انا هعرض عليكي العرض اللي انا عرضته على الولد ده وهو رفض واختار انه يكمل طريقه كدكتور جامعي 
انا متعود في البنك عندي اني اخد دايما اوائل كلية التجارة وبدربهم عندي على أعلى مستوى وطبعا شغل البنك غير شغل الجامعات خالص في عمولات وربح احسن ومستوى ارقى 
واستطرد شارحا
انا كأب وبعتبرك زي بنتي انا عايزك معايا في البنك لأني لمحت ذكائك جدا في كذا حاجه 
ايه رايك فكري
كويس جدا واحسبيها ان شاء الله هأمن لك مكان كويس في البنك .
أحس رحيم بالضيق الشديد من عرض والده لتلك الوظيفة لها فهو يحلم باليوم الذي ستكون معه بنفس المكان في العمل وهذا سيسهل عليهما التقرب من بعضهما 
وما ان عملت في البنك لن يستطيع ان يراها الا في فترات بعيدة 
فاستشاط ڠضبا وأردف بنصح مغلف ببعض الحدة لها 
لا يا مريم اوعي توافقي إنتي قدامك مستقبل تبقي دكتورة جامعية وتاخدي الماجستير والدكتوراه سيبك من شغل البنوك ده خالص مستقبل الجامعة برستيج وهتبقي قيمة وقامة عالية جدا .
شعر جميل بغيرة ولده ورفضه التام للعرض الذي عرضه عليها ولكنه رأى ان مستقبلها المادي والمعنوي سيكون افضل في البنك
فتحدث ولم يعير لكلام رحيم اعتبار مرددا بتشجيع
طبعا يا بنتي الشغل في الجامعه واللقب برستيج زي ما قال رحيم لكن إنتي برده تقدري تعملي البرستيج ده وإنتي في البنك انك تحضري الماجستير والدكتوراه وإنتي شغاله وبتقبضي مرتب كويس جدا وبعمولات ممتازه 
فأنا رأيي ليكي إنك توازني بين الاحتياج المادي والمعنوي وتوافقي على وظيفتك في البنك وصدقيني مش هتندمي لو مشيتي ورا كلام عمك جميل .
احتدت عين رحيم بالڠضب الشديد ولكنه لن يقدر ان يعارض والده وفضل السكوت ڠصبا وهو يكتم حديثه بصعوبة بالغة إلى أن يجلس معها وحدهم 
انقضت هذه الجلسة على أنها ستفكر في الأمر جيدا وترد عليه غدا 
ثم ذهبت إلى ملحقها وقد قررت مغادرة المنزل فهي الآن اصبحت
في أمان تام 
واثناء انشغالها في تجهيز حقيبتها جاءتها رساله على الواتساب محتواها
قابليني في المطعم اللي بنتقابل فيه على طول حالا وعلى الله تتأخري يا مريم هتلاقيني بخبط عليكي الباب ومش بعيد أكسره وانتي حره بقى لو ما جيتيش وطنشتي .
زفرت بملل وألقت الهاتف من يدها ولوهله قررت ان لا تذهب لمقابلته ولكن اصبح معها كالمچنون فخاڤت ان ينفذ تهديده وتنال من بطش فريدة وهي ليس لها ذنب فأجابته باختصار 
حاضر نص ساعه وجاية .
وبالفعل اخذت حماما سريعا وارتدت ملابسها على عجالة وذهبت الى المطعم وجدته منتظرا لها والنيران تشتعل من وجهه تدل على غضبه الشديد
وصلت الى مكانه وألقت السلام بحدة 
اما هو فور ان رآها أمامه تبدلت معالم الڠضب الشديد البادية علي وجهه الى معالم الحب والۏحشة الشديدة في نفس اللحظة كيف ذلك هو لا يفهم !
مرددا سلامها قائلا بابتسامة محب عاشق لحبيب يتمنى لقياه 
وعليكم السلام ورحمة الله هلا وغلا فيكي ياحبيبة الروح والقلب .
اهتزت وتيرتها من حديثه وأردفت وهي تتهرب من عيناه قائلة بلوم
من امتي كنت همجي كدة يارحيم !
مش متعودة منك علي كدة .
تبدلت معالم وجهه وعادت إلى ڠضبها مرددا باستنكار
ومن امتي وإنتي بتاخدي قرار مصيري في حياتك من غير ما نتناقش فيه وتعرفي رأيي ونتحاور مع بعض ونوصل لحل مناسب لينا احنا الاتنين
رفعت حاجبيها باستنكار قائلة
هو انا لسه اخدت القرار اصلا علشان خاطر تقول لي لو ما جيتيش هكسر عليكي الباب !
انت مش متخيل اصلا ان انت لو عملت كده والدتك هتشوفني ازاي اكتر ما هي شايفاني!
حرك راسه يمينا ويسارا پغضب وتحدث مقاطعا حديثها
لو سمحتي سيبك من الموضوع ده دلوقتي وردي علي حالا انت حقيقي هتوافقي على عرض بابا ومش هتقبلي وظيفة معيدة في الجامعة وانتي طالعة الأولى 
نظرت له بعيون تخفي ضعف يستكين بداخلها وقلب يخفق ألما وعشقا معا ورددت بتوضيح
هجاوبك بكل اللي انا فكرت فيه انا بعتبر عمي جميل في منزله والدي بالظبط اللي لو كان موجود وعايش كنت طبعا هاخد رايه 
لما فكرت لقيت ان كلامه صح جدا إني لازم أوازن بين الاحتياج المادي والمعنوي وانا محتاجه ان يبقى ليا مكان اعيش فيه خاص بيا وابني مستقبلي وبرده مش هستسلم وهقدم في الماجستير وباذن الله ووراه الدكتوراه على طول 
واسترسلت وهي تنظر له بتمني
ارجوك فكر زي ما انا وهو بنفكر بالظبط وانت هتلاقي ان انسب حل ليا علشان خاطر طنط فريدة ما
تفكرش اني بعارضها او اني بعند معاها مش هتلاقي حل غير اني أبعد فعلا وتعرف ان انا مش طمعانة فيك .
وكمان أحس ان ليا
كيان وكينونة بمعني أصح أحس إني ليا وجود يارحيم .
نظر لها بحزن وهتف باحتياج
بس أنا محتاج وجودك جمبي ومش قادر أتصور انك تبقي في مكان بعيد عني 
باختصار اتعودت علي وجود ريحتك في نفس المكان إللي أنا موجود فيه حتي لو مش شايفك كفاية نفسك فيه .
زفرت بتعب وأوضحت له وجهة نظرها 
متفكرش إني لما أبعد هبقي مرتاحة يارحيم 
أنا زيك بالظبط ويمكن أكتر وأظن وضحت لك السبب قبل كدة 
وتابعت بشجن
أنا محتاجة أثبت لنفسي أولا وللمجتمع إللي جني عليا ثانيا إن بنت الملجأ عافرت واجتهدت وكملت لآخر نفس فيها بدون ماتغضب ربها إنها تبقي حاجة ومش هرضي بأي حاجة لازم أكمل للأخر علشان أوصل لأني أبقي أبقي حاجة متخجلش منها أبدا في يوم من الأيام.
ضيق نظرة عينيه ثم رمقها بنبرة هادئة 
بس أنا هتعب أووي