روايه ڼار الحب لكاتبتها ايمان حجازي

حبيبتي ربنا يهديكي 
هو أنت خاېف مني ما تيجي 
هخاف منك ليه انا خاېف من نفسي انتي مفكره اني لو جيت نمت جنبك كده هيبقي عادي ده أنا مش هسيبك غير وانتي مدام برضاكي أو ڠصب عنك
علي الرغم من خجلها رددت 
وڠصب عني ليه انا مراتك !
يا حبيبتي عارف بس لسه بدري علي الخطوه دي !
رفست زينه بقدميها في ڠضب مصطنع 
ما هو انا مش عارفه انام بقه اعمل إيه 
اشار إليها بيديه وهو يمدها لها بحنان 
طب تعالي هنا جنبي 
مبسوطه !
أوي طيب تعالي نتكلم في أي حاجه يمكن اعرف انام 
عايزه تتكلمي في إيه 
يعني مثلا النهارده كنت حابه أسألك ازاي زوقك حلو كده الفستان جميل اوي والخاتم كان أروع ! وكمان عرفت البيوتي سنتر ده منين يعني انت متأكد انك عمرك ما أشتريت أو اخترت الحاجات دي قبل كده يعني انا أول واحده في حياتك بجد والله اشك !
أبتسم عمار وهو يجيبها
انا اخترت الحاجات دي بقلبي مجرد اني شفتها واتخيلتها عليكي انتي مش اكتر ! والبيوتي سنتر ده اختي كانت بتروحه دائما في المناسبات فأعرفه بس ادي كل الحكايه 
امممم هعمل نفسي مصدقاك طب وبالنسبه للشعر ! قلتلي شعر مره وكمان غنيت وصوتك حلو اوي ! يعني ازاي حياتك ناشفه وصعبه ومبتعرفش بنات وبتاع وانت كده يعني!
وهو عشان حياتي كده ومعرفش بنات يبقي مليش في الشعر ولا الغناء أولا انا بحب اسمع شعر جدا وخصوصا الغزل وحافظ كتير منه كمان علي اعتبار أن في يوم هحب واحده وأقولها كل اللي جوايا وكمان الغناء صوتي حلو من صغري بس نادر ما بحب اغني 
طب ما تغنيلي تاني عشان خاطري 
أنزل عمار قدميه ونامت زينه علي فخذه وأخذ يلعب في شعرها بحنان وهو ينظر إليها 
اغنيلك إيه !
غنيلي حاجه ليا أنا ! حاجه انت بتحبها 
فكر عمار قليلا ثم ابتسم وبدأ بالغناء 
بات الأمل في عيني يروي الجفن صبرا 
والعشق في جسدي يجعلني أذوب 
وألآم الشوق تروي فؤادي عطشا 
وما ادراكي وما عطش القلووب 
يا أميرتي يا جميلتي يا سيده كل النساء 
لا تتركيني في وحدتي فالإبتعاد عنك إبتلاء
يصعب عليا تحمله وحان وقت الأنتهاء 
سأكون معكي برغبتي وكما مولاتي تشاء 
يا حور عين قد أكتفيت من العڈاب 
الله رحيم فكيف انتي لا ترحمي 
سؤالي أنتي وانتي الرد والجواب
حني علي قلبي قد بات مغرم
يا أميرتي يا جميلتي يا سيده كل النساء 
لا تتركيني في وحدتي فالإبتعاد عنك إبتلاء
يصعب عليا تحمله وحان وقت الأنتهاء 
سأكون معكي برغبتي وكما مولاتي تشاء 
نهضت زينه فجأه ونظرت إليه بعشق ولهفه
انت إزاي كده بجد ازاي كل حاجه فيك حلوه كده عمار أنا بعشقك 
طب نامي بقه عشان مقلبش علي الوش التاني
خلاص أهوه هنام بس بلاش تتحول والنبي 
أحتصنها عمار ووضع رأسه علي رأسها واغمض عينيه هو الأخر وغطوا في النوم معا 
المشهد ده بالاغنيه ليه فيديو يا جماعه هنزل لينكه في منصه الرسائل لأن مش راضي ينزل هنا مش عارفه ليه! شوفوه بجد حلو جداا 
باليوم التالي أستعد كل من عمار وزينه وودعوا أهله وانطلقوا الي مقر وحدات الصاعقه مره أخري 
ما أن نزلت من سيارته علي الأرض الرمليه ومضت خلفه وهي تستمع لتلك الأصوات حتي شعرت بالرهبه الشديده اخذت تنظر حولها من كل ناحيه اصوات هتافات مرتفعه وجنود مجنده ترفع اثقالا ضخمه وها هنا جنود اخري تطلق النيران علي دفعات متتاليه وآخرون يقفزون من علي المباني بأصوات
جهوريه وبالناحيه الأخري صوت القذائف المدويه ومع كل صوت والأخر كانت ترتجف زينه من شده الخۏف 
كان عمار يمضي بين تلك الجموع المتجمهره وكل منهم يقف له إحترام وهم يرحبون به ويؤدوا التحيه العسكريه شعرت زينه بالفخر نوعا ما وهي معه وصل إلي مبني أخر يبعد عن تلك الأصوات قليلا وصعد إلي أعلاه حتي وصل إلي مكتب اللواء نزيه الذي كان بإنتظاره رحب به مرددا
حمدلله علي السلامه يا عمار نورت الكتيبه مره تانيه ! اظن بقه ندخل علي الجد علي طول 
نظر له عمار بنظره خاصه ثم أضاف
احم ! طبعا يا فندم وبالنسبه للبشمهندسه زينه !
البشمهندسه مكانها جاهز ومستنيها في المبني التاني مع المهندسين !
نظر عمار لزينه مرددا في لهجه آمره 
زينه ! أستنيني بره دلوقت قدام المكتب واقفلي الباب وانا راجعلك
علي الرغم من خۏفها قليلا من هيبه المكان ولكنها أسرعت تنفذ ما قاله وأغلقت الباب خلفها في حين جلس عمار علي الكرسي ونظر للواء نزيه
باشا موضوع أن الكتيبه كلها عارفه أن زينه تبقي مراتي ده نظامه إيه !
محدش فيهم هيتكلم ولا
كأنه يعرف حاجه متقلقش ومحمد مشي من هنا قبلهم اول ما عرف بالأجازه !
حلو ! وزينه هتبقي معايا ! أنا هختارها المهندسه اللي هتبقي معايا في التيم !
زينه معاك في التيم ! عمار أنا عينتها عشانك أنت لكن الموضوع ده عايز راجل وخبره كمان انت رايح لمنظمه إرهابيه عالميه برجليك يعني اقل حاجه لازم تكون بتعرف ټضرب ڼار وتدافع عن نفسها ده غير طبيعه المهمه ذات نفسها
متقلقش يا فندم علي ضمانتي ! زينه متدربه علي السلاح كويس جدا هو طبعا مسډس عادي مش حاجه كبيره مثلا زي الروسيه أو ال لكن في خلال يومين تقدر تستخدمهم عادي وإحنا لسه معانا فتره قبل العمليه أما بالنسبه لموضوع إنها لسه جديده فأحب اطمنك هي تعرف شغلها أحسن من اجدع مهندس عندنا
انا واثق في كلامك بس مش عايزك تخاطر بحاجه زي دي !
انا فعلا هخاطر لو مجتش معايا المهم دلوقت الإجتماع جاهز ! والفريق اخترته ولا لسه 
جاهزين ومستنيينك !
أمسك اللواء نزيه بملف أمامه وأعطاه لعمار مرددا 
معتز وطبعا محمد معاك والنهارده وصل النقيب أمير من الأسماعيليه والنقيب طارق من الفيوم والرائد عمرو من المنصوره كل واحد عندك فيه كل المعلومات اللي تخصه واللي بناءا عليها انا اخترته لكن طبيعه المهمه لسه محدش يعرف ومحدش هيعرف الحقيقه غيري انا وانت 
أخذ عمار يفحص تلك الأوراق بدقه وهو يهز رأسه بإيماء ثم أضاف 
ومين الدكتور اللي هيطلع معانا !
أعتدل اللواء نزيه في مجلسه وردد بحرج 
بسنت !
هز له عمار رأسه بعدم 
بسنت مين 
بنتي !
بسنت بنتك وبتقولي مش عايزك تخاطر بزينه
أنا حاولت أقنعها كتير لكن هي كانت مصممه من وقت ما عرفت إنك أنت اللي هتبقي القائد ! بتقول عايزه اخد فرصتي انا كمان !
فرصه إيه وزفت إيه بسنت ملهاش في العمليات اللي زي دي المفروض تبقي في المستشفي العسكري متخرجش منها
بص هي جايه النهارده وتلاقيها وصلت كمان ! أقنعها انت وانا هجيبلك دكتور تاني 
أما أشوف ربنا يستر !
وبالخارج كانت زينه تنظر حولها بتوتر قليلا حيث كانت تلك الأجواء غريبه ومريبه عليها بعض الشئ ولكن ما كان يطمئنها إنها بصحبه عمار فكل صعب بعد ذلك يهون 
وعلي مسافه منها ذلك الذي صعق في دهشه شديده حينما وجدها هنا في ذلك المكان تحديدا !
وما أن ألتفتت الناحيه الأخري حتي فوجئت بمن يقف أمامها ففزعت قليلا وأندفعت للوراء 
إيه خضيتك المفروض طالما انتي في مكان زي ده متتخضيش ولا تخافي
كان ذلك صوت محمد وهو يرمقها بنظرات غريبه لم تستطع تفسيرها بعدما كان قادما الي مكتب اللواء نزيه ورأها تقف أمام الباب حيث شعر بالحيره بعض الشئ لوجودها إجابته مردده 
معلش اصلي لسه جديده واحده واحده هتعود 
واحده واحده ! إنتي مطوله ولا إنتي
بتعملي إيه هنا إصلا !
كادت زينه أن تجيبه ولكنها تذكرت تحذيرات عمار لها فرددت 
وانت مالك !
أشطات محمد منها فرمقها پغضب وكبرياء مرددا 
أنتي عبيطه يا بت إنتي ولا إيه إنتي عارفه إنتي بتكلمي مين 
أتاه صوت عمار وهو يفتح الباب أمامه 
لا مش عارفه يا محمد بتكلم مين ! والأحسن متعرفش إنك رائد معانا هنا عشان هيبقي منظرك وحش اوي لأن لا دي أخلاق رواد ولا طريقه تعاملهم ككقائد

تمام !
دب الخۏف بداخله ولا يدري ماذا يفعل وكيف خرج له عمار من حيث لا يدري واهم من ذلك وجود تلك الفتاه بصحبته هنا ما تفسيره رفع يديه مؤديا التحيه العسكريه وبداخله يلعن اللحظه التي ولد بها ذلك الشخص
تمام يا فندم أنا بسس كنت بعرف 
لا بس ولا مابسش المفروض انك عارف ان في اجتماع دلوقت ليه انت مش في غرفه الاجتماعات 
أه عارف لكن مش فاهم فجيت عشان افهم من القائد وات 
قاطعه عمار بصرامه
ومن إمته بنيجي هنا عشان نفهم امال أحنا عاملين الأجتماع ليه أتفضل يا باشا علي هناك فورا
رفع يديه علي مضض 
حاضر يا فندم !
ما أن ذهب من امامهم حتي ضحكت زينه بنصر ورددت 
ده انت فرمته ! برافوا عليك يا عموري 
وقف أمامها بصرامه 
وانتي كمان ! إيه عمورك دي هنا انا اسمي القائد والعلاقه اللي بينا زي ما مفهمتك محدش هنا يعرفها انتي معايا في المهمه وهيبقي معاكي فريق غيرك فعايز إلتزام في كل حاجه انا هنا مبهزرش في خلال عشر دقايق تكوني لابسه لبس الجيش اللي هيسلمهولك دلوقت 
ارتابت زينه من تلك اللهجه القاسيه قليلا فنظرت له بتردد
هو الكلام ده ليا يا عمار 
لأ لأمي ! هو اللي هعيده هزيده ! هنا تقوليلي يا قائد أو يا فندم لقب تاني لأ !
فغرت زينه فاها بدهشه فارتفع صوت عمار بلهجه أمره 
إنتي لسه واقفه ! إتحركي
تمتمت زينه بضيق وإرتياب من تلك الحياه الجديده التي اقبلت عليها
حيث تغير كل شئ 
هو الموضوع طلع بجد ولا إيه ! لأ انا عايزه أروح لأمي
اقبلت عليهم إحدي السيدات مرتديه الزي العسكري واصطحبت زينه لغرفتها لتعليمها أولويات العمل هنا في حين إلتقي عمار بمعتز ورحب به وأخبره بأن يذهب أيضا الي غرفه الأجتماعات وكذلك نظر أمامه فوجد كل من أمير وطارق وعمرو يتجهون الي تلك الغرفه أيضا 
مرت بضع دقائق وخرج اللواء نزيه وبيده بعض الأقراص في حين أتت إليهم زينه هي الأخري ووقفت امامهم بالزي العسكري رمقها عمار بإعجاب ونظر إليها بحب فلوت شفتيها بإمتعاض وڠضب أمرها عمار بصراحه 
اتفضلي ورايا 
مضت خلفه علي مضض وهي مازالت لم تستوعب تلك النقله الحياتيه التي ازلفت بداخلها فجأه 
داخل غرفه واسعه فاخره الأثاث مجهزه ومعده بالداتا شو ينتصفها منضده طويله ويلتف حولها العديد من المقاعد ما أن خطت زينه بقدميها الي تلك الغرفه حتي شعرت بالخۏف نوعا ما ممزوجا بالرهبه من فخامه تلك الغرفه التي بدت لها سريه نوعا ما 
أشار لها عمار بأن تجلس علي إحدي المقاعد وما أن جلست حتي دلف خلفها معتز ومحمد ويليهم كل من أمير وعمرو وطارق وآخرهم اللواء نزيه والذي ما أن دخل حتي اغلق الباب خلفه ولكن وضعت قدم أحدهم وحالت إغلاقه وما أن فتح مره أخري حتي دلفت فتاه